Monday, June 4, 2007

ಶಾಲೆಯ ಮೊದಲ ದಿನ..

ಈ ಹಿಂದೆ ಶಾಲಾ ಮಕ್ಕಳಿಗೆ ಪಾಠ ಮಾಡಿದ್ದೇನಾದರೂ ಶಾಲೆಯಲ್ಲಿ ಫುಲ್ ಟೈಮ್ ಮೇಷ್ಟ್ರಾಗಿ ಪಾಠ ಮಾಡಿರಲಿಲ್ಲ. ಒಂದು ಖಾಸಗಿ ಸಂಸ್ಥೆಯಲ್ಲಿ ಟ್ಯೂಷನ್ ಮಾಡಿದ್ದೆನಷ್ಟೆ. ಅದು ಬಿಟ್ಟರೆ ಕಾಲೇಜು ವಿದ್ಯಾರ್ಥಿಗಳಿಗೆ ಪಾಠ ಮಾಡಿದ್ದೆ, ಕನಕ ಕಾಲೇಜಿನಲ್ಲಿ.

ಇಂದು ಆರನೇ ತರಗತಿ ಹಾಗೂ ನಾಲ್ಕನೇ ತರಗತಿಯವರಿಗೆ ಪಾಠ ಮಾಡುವುದರಿಂದ ಒಂದು ಅರಿತಿದ್ದೇನಪ್ಪಾ ಅಂದರೆ, ಮಕ್ಕಳಿಗೆ ಪಾಠ ಹೇಳುವುದು ಯಾರೋ ಕರೆ ಮಾಡಿ, "ನಮ್ಮ ಸರ್ವರ್ ಡೌನ್ ಆಗಿದೆ, ಸರಿ ಮಾಡಿಕೊಡಿ" ಎಂಬುವುದಕ್ಕಿಂತ, ಅಥವಾ ಇಡೀ ಸಂಸ್ಥೆಗೆ ನೆಟ್ವರ್ಕ್ ಮಾಡಿಕೊಡುಡುವುದಕ್ಕಿಂತ, ಅಥವಾ ಪತ್ರಿಕೆಗೆ ಅಂಕಣ/ವರದಿ ಬರೆಯುವುದಕ್ಕಿಂತ, ಅಥವಾ ಹದಿಮೂರು ಸಾವಿರ ಅಡಿ ಎತ್ತರದ ಪರ್ವತದ ಚಾರಣ ಮಾಡಿದ್ದಕ್ಕಿಂತ ಜವಾಬ್ದಾರಿಯುತ ಕೆಲಸ ಎಂದೆನಿಸಿತು. ಅವಲ್ಲಕ್ಕಿಂತ ಕಷ್ಟದ ಕೆಲಸ ಅನ್ನಿಸಿತು. ಅವೆಲ್ಲಕ್ಕಿಂತ ಸಾಹಸಮಯ ಕೆಲಸ ಎಂದೆನಿಸಿತು. ಅಂತೂ ಹೊಸ ಅಡ್ವೆಂಚರ್ ಚೆನ್ನಾಗಿ ಆರಂಭವಾಗಿದೆ.

ಮಕ್ಕಳ ಹಠಮಾರಿತನ, ಗಜಿಬಿಜಿ ಚಾಡಿಕೋರತನ, ತುಂಟತನ, ಮುಗ್ಧತೆ, ನಿಶ್ಕಲ್ಮಶತನ, ಮೇಷ್ಟ್ರು ಮೇಡಮ್ಮುಗಳ ಹಾಸ್ಯಮಯ ಇಂಗ್ಲೀಷು (ಇದರ ಬಗ್ಗೆ ಬರೆಯುತ್ತೇನೆ ಮುಂದೆ), ಹಿರಿಯನಂತೆ ಜವಾಬ್ದಾರಿ ತೆಗೆದುಕೊಳ್ಳುವುದು, ಎಲ್ಲವೂ ಮೊದಲ ದಿನದ ಮಟ್ಟಿಗೆ ರಂಜನಾತ್ಮಕವಾಗಿದೆ. ಇನ್ನೂ ಮೊದಲ ದಿನ. ಹೀಗೇ ಒಳ್ಳೇ ರೀತಿಯಲ್ಲಿ ಬೆಳೆಯಲೆಂದು ಆಶಿಸುತ್ತಾ ಮೇಷ್ಟ್ರೆಂದು ಕರೆಸಿಕೊಳ್ಳುವುದನ್ನು ಆನಂದಿಸುತ್ತಿದ್ದೇನೆ..

- ಅ
04.06.2007
8.30PM

5 comments:

  1. all the besht arun :-)
    nimme adventure yeshasvi aagli...

    ReplyDelete
  2. ಧನ್ಯವಾದಗಳು ಶ್ರೀಧರ, ಶ್ರೀನಿವಾಸ, ಹರೀಶರಿಗೆ...

    ReplyDelete
  3. idyaavaagiMda mESHTru kathe!!!
    oh dEvarige oLLEdagli! :)

    ReplyDelete