Friday, January 4, 2008

ನೆನಪು - ಹರಕೆ

ರಾಹುಲ್ ದ್ರಾವಿಡ್ ಕೊನೆಗೂ ಅರ್ಧ ಶತಕ ಹೊಡೆದು ತಾನು ಕ್ರಿಕೆಟ್ಟಿಗೇ ಸೇರಿದವನೆಂದು ನಿರೂಪಿಸಲೆತ್ನಿಸಿದ. ಸಚ್ಚಿನ್ ತೆಂಡೂಲ್ಕರ್ ಕೊನೆಗೂ ಶತಕ ಪೂರೈಸಿ ತನಗೆಂದೇ ಶತಕಗಳಿರೋದು ಎಂದು ನಿರೂಪಿಸಿದ. ಇಬ್ಬರಿಗೂ ಒಳ್ಳೇದಾಗಲಿ ಅಂತ ಹರಸುವೆ.



ಆರ್.ಡಿ. ಬರ್ಮನ್ (ಪಂಚಮ್ ದಾ) ಎಂಬ ಲೆಜೆಂಡ್ ಸಂಗೀತ ನಿರ್ದೇಶಕ ಐವತ್ತು ವರ್ಷಗಳ ಕಾಲ ಬಾಲಿವುಡ್ಡಿಗೆ ಸಂಗೀತದ ಕೊಡುಗೆ ಕೊಟ್ಟು ಜನವರಿ ನಾಲ್ಕು ತೊಂಭತ್ನಾಲ್ಕರಲ್ಲಿ (ಇವತ್ತಿಗೆ ಸರಿಯಾಗಿ ಹದಿನಾಲ್ಕು ವರ್ಷಗಳ ಕೆಳಗೆ) ಕೇವಲ ದೈಹಿಕವಾಗಷ್ಟೇ ಅಗಲಿದರು. ಅವರ ಸಂಗೀತ, ಅವರ ಹಾಡುಗಳು ಚಿರಾಯು..

Tere Bina Zindagi Se Koi
Shikwa Toh Nahi.. Shikwa Nahi..



ಮೊನ್ನೆ ಸೀತು, ಮಹೇಂದ್ರ ಇಬ್ಬರೂ ಹುಟ್ಟು ಹಬ್ಬ ಆಚರಿಸಿಕೊಂಡರು. ಸೀತು-ನ ಭೇಟಿ ಆಗಿ ಯಾವುದೋ ಕಾಲ ಆಯ್ತು. ಮಹೇಂದ್ರನನ್ನು ಬಹಳ ತಿಂಗಳುಗಳ ನಂತರ ನೆನ್ನೆ ಭೇಟಿ ಮಾಡಿದೆ. ಇಬ್ಬರಿಗೂ ಹುಟ್ಟು ಹಬ್ಬದ ಶುಭಾಶಯಗಳು. ಟ್ರೀಟ್‍ಗೆ ಪ್ರತೀ ಸಲ ಪರ್ಸ್ ಮರೆಯುವಂತೆ ಈ ಸಲ ಮರೀಬೇಡ ಸೀತು.. ಮಹೇಂದ್ರ, ಹೊಸ ಬೈಕ್ ತೊಗೊಂಡಿದೀಯ ಅಂತ ಇನ್ನೂ ವೇಗವಾಗಿ ಚಲಿಸೀಯೆ. ಇಬ್ಬರಿಗೂ ಆಲ್ ದ ಬೆಸ್ಟ್.





ಗೆಳೆಯ ಕರುಣ್ ಹುಟ್ಟು ಹಬ್ಬ ಅಂತ ಅವನ ಜಾತಕ ಮತ್ತು ಆರ್ಕುಟ್ ಎರಡೂ ಹೇಳ್ತಿದೆ. ಅವನಿಗೆ ಶುಭಾಶಯಗಳು. ನನ್ನ ಹುಟ್ಟುಹಬ್ಬಕ್ಕೆ ಕಳೆದ ಎರಡು ವರ್ಷಗಳಲ್ಲೂ ನನಗೆ ಮಧ್ಯರಾತ್ರಿ ಫೋನಾಯಿಸಿ ಪ್ರಪ್ರಥಮವಾಗಿ ವಿಷ್ ಮಾಡಿರುವ ದಾಖಲೆ ಕರುಣ್‍ಗೆ ಸೇರುತ್ತೆ. ಇದನ್ನು ನಾನು ಪ್ರತಿ ಬಾರಿಯೂ ಹರ್ಷದಿಂದ ನನ್ನೊಡನಿದ್ದವರಿಗೆ ಹೇಳಿ ಸಂತಸವನ್ನು ಹಂಚಿಕೊಳ್ಳುತ್ತೇನೆ. ಇವನ ಕನಸುಗಳು ಹಿರಿದಾಗಿವೆ. ಎಲ್ಲವೂ ನನಸಾಗಲಿ ಎಂದು ಹಾರೈಸುತ್ತೇನೆ. ಆಲ್ ದ ಬೆಸ್ಟ್ ಕರುಣ್.



'ಚಿತ್ರಚಾಪ'ದ ಬಿಡುಗಡೆ ಜನವರಿ ಆರರಿಂದ ಫೆಬ್ರುವರಿ ಹತ್ತಕ್ಕೆ ಮುಂದೂಡಿದ್ದೇವೆ. ಆದರೆ ನಿರ್ಣಯಿಸಿದ್ದೇವೆ. ಎಲ್ಲರೂ ಬರಬೇಕು. ಆವತ್ತು ಅಮ್ಮನ ವೀಣೆಯ ಕಚೇರಿ ಇದೆ. ಜೊತೆಗೆ ಐದು ಜನರ 'ಪ್ರಕೃತಿಗೊಂದು ಕೃತಿ - ಚಿತ್ರಚಾಪ' ಕೂಡ ಬಿಡುಗಡೆ ಆಗುತ್ತೆ. ಅದರ ಜೊತೆಗೆ ಕನಸಿನ 'ಪ್ರಣತಿ' ಸಂಸ್ಥೆ ಕೂಡ ನಂದಾದೀಪವನ್ನು ಬೆಳಗಲಿದೆ. ನಮಗೆ ಶುಭವಾಗಲಿ!



-ಅ
04.01.2008
8.40PM

2 comments:

  1. ನಿನ್ನ ಸ್ನೇಹಿತರಿಗೆ, ಕರುಣನಿಗೆ --> ಹುಟ್ಟುಹಬ್ಬದ ಹಾರ್ದಿಕ ಶುಭಾಶಯಗಳು...

    ಚಿತ್ರಚಾಪ, ಪ್ರಣತಿ --> ಫೆಬ್ರುವರಿ ೧೦ಕ್ಕೆ ಹುಟ್ಟೋ ಮಕ್ಕಳು.. ಅವೆರಡಕ್ಕೂ ನನ್ನ best-wishes..

    ReplyDelete
  2. Birthday boys ge nanna birthday wishes-u.

    chitrachaapa, praNati - eraDannoo edarunODuttiddEne.

    ReplyDelete