Thursday, January 31, 2008

ವಿರಹ ಮರಣ



ಚುಕ್ಕಿ ಮಿನುಗೆ ಹಕ್ಕಿ ಗುನುಗೆ
ನಿನ್ನ ರೂಪವೆದೆಯಲಿ
ನಕ್ಕು ನಲಿಯೆ ಬಿಕ್ಕು ಹಳಿಯೆ
ನಿನ್ನ ಸ್ಪರ್ಶ ಸ್ಮೃತಿಯಲಿ.

ಇರುಳು ಹದದ ಶೃತಿಯ ವೀಣೆ
ಸುಧೆಯ ಹರಿಸಿದೆ ಬಾನಲಿ
ರಾಗದಿಂದಲೆ ನಿನ್ನ ಆಣೆ
ಚಿಗುರು ಹಸುರೆದೆ ಕಾನಲಿ.

ನಿನ್ನ ನೋಟವದಕೆ ತನಿಯು
ಮೇಳ ಮೆರೆಸಿದೆ ತನುವಲಿ
ಎನ್ನ ಹೃದಯವದಕೆ ದನಿಯು
ಬಾಳ ಧರಿಸಿದೆ ಧನುವಲಿ.

ಬೆಳಕ ಕಿರಣದಿ ಜಳಕ ದೇಹ
ಪುಳಕ ಮನವು ನಿನ್ನೊಲವ ನೇಹ
ಕೊರೆವ ಚಳಿಯಲಿ 'ಕಾದ' ಹರಣ
ನಿನ್ನ ಬಳಿಯಲೆ ವಿರಹ ಮರಣ.

-ಅ
31.01.2008
10PM

9 comments:

  1. ಸಾಹಿತ್ಯ ಚೆನ್ನಾಗಿದೆ. ಆದರೆ ಬೇಕಾದಷ್ಟು ರೀತಿಯಲ್ಲಿ ಅರ್ಥ ಮಾಡ್ಕೋಬೋದೇನೋ ಇದನ್ನ ಅನ್ಸತ್ತೆ... ಒಂದು ರೀತಿಯಲ್ಲಿ ನೋಡಿದರೆ ಒಂದು ಸೀದಾ-ಸಾದಾ ಕವಿತೆ. ಮತ್ತೊಂದು ರೀತಿಯಲ್ಲಿ ರೂಪಕಗಳು ಕೂಡಿದ ಕವಿತೆ.... ಹೀಗೆ ಇನ್ನೂ ಯಾವ ಅರ್ಥ ಸರಿ ಅಂತ ಯೋಚಿಸ್ತಿದೀನಿ...

    ReplyDelete
  2. chennagi describe maadidya :) imagination maadakke super aagittu.

    eneno comparisions maadirodu sakkath!!

    ReplyDelete
  3. beLaka kiraNadi jaLaka dEha....
    chennagittu

    ReplyDelete
  4. ರಾಗದಿಂದಲೆ ನಿನ್ನ ಆಣೆ
    ಚಿಗುರು ಹಸುರೆದೆ ಕಾನಲಿ.

    ee melin lines tumbaaaaaaa isTa aaythu.. :-)

    ishTu artha aaglilla
    1)ಇರುಳು ಹದದ andre?
    2)ನೇಹ andre?
    3)ಹರಣ andre?

    ReplyDelete
  5. [ಶ್ರೀಧರ] ೧. ಇರುಳು = ಸಂಜೆ, ಹದ = ಹಿತ. ವೀಣೆಯನ್ನು ಹದವಾಗಿ ಶೃತಿ ಮಾಡಬೇಕು...
    ೨. ನೇಹ = ಸ್ನೇಹ = ಮೈತ್ರಿ
    ೩. ಹರಣ = ಪ್ರಾಣ
    ಆ ಮೇಲಿನ ಲೈನ್ಸು ನಂಗೂ ಇಷ್ಟ ಆಯ್ತು... :-)

    [ವಿವೇಕ್] ಆದ್ರೆ ಹೇಗೆ ಜಳಕ ಮಾಡೋದು ಕಿರಣದಲ್ಲಿ ಅಂತ!!

    [ಶುಭಾ] 'ಏನೇನೋ ಕಂಪ್ಯಾರಿಸನ್ಸ್' - ಇದ್ಯಾಕೋ ಒಂಥರಾ ಇದ್ಯಲ್ಲಾ....

    [ಶ್ರೀಕಾಂತ್] ಈ ರೀತಿ ಕವಿತೆ ಇದುವರೆಗೂ ನಾನು ಬರೆದೇ ಇರ್ಲಿಲ್ವೋ, ನನ್ನ ಸಂಪ್ರದಾಯವನ್ನು ಮೀರಿದ್ದು ಇದೇ ಮೊದಲು ನಾನು!!

    ReplyDelete
  6. more than just superb !! last two lines ultimate !!!

    ReplyDelete
  7. ಪ್ರಾಸಬದ್ಧವಾಗಿದೆ.. ತುಂಬಾ ಇಂಪೆನಿಸುತದೆ ರಾಗಹಾಕದೆಯೂ..

    ಎನ್ನ ಹೃದಯವದಕೆ ದನಿಯು
    ಬಾಳ ಧರಿಸಿದೆ ಧನುವಲಿ.

    ತುಂಬಾ ಇಷ್ಟವಾಯಿತು.

    ReplyDelete
  8. [ತೇಜಸ್ವಿನಿ ಹೆಗಡೆ] ಧನ್ಯವಾದಗಳು.. :-)

    [ಲಕ್ಷ್ಮಿ] ಲಾಸ್ಟ್ ಟೂ ಲೈನ್ಸು ನಂಗೆ ಅಷ್ಟು ಇಷ್ಟ ಆಗ್ಲಿಲ್ಲ ರೀ..

    ReplyDelete
  9. ತುಂಬಾ ಚೆನ್ನಾಗಿದೆ. :-)

    ReplyDelete