Friday, February 8, 2008

ಚಿಟಟಚಿಚಿಣಚಿಣಚಿಟ

ಮೆಜೆಸ್ಟಿಕ್ ಸೇತುವೆಯ ಮೇಲೆ ನಾನು, ಶ್ರೀನಿಧಿ, ಸುಶ್ರುತ 'ಚಿತ್ರಚಾಪ'ದ ಕನಸಿನ ಅಡಿಪಾಯ ಹಾಕಿದ್ದನ್ನು ಜನ್ಮೇಪಿ ಮರೆಯುವಂತಿಲ್ಲ. ಆದರೆ ಗಣೇಶನ ಮದುವೆಯಂತೆ ವಿಘ್ನಗಳು ಹಲವು ಬಂದವು.

ಎಲ್ಲರೂ ಈ ಮೈಲ್ ಕಳಿಸಿಕೊಂಡಿದ್ದೆವು ತಮ್ಮ ತಮ್ಮ ಪ್ರಬಂಧಗಳನ್ನು. ಆದರೆ ನನ್ನ ಬರಹ ಮಾತ್ರ ಶ್ರೀನಿಧಿಗೆ "ಈ.." ಅಷ್ಟೇ ಹೋಗಿತ್ತು. ಅರ್ರೆ, ಇದೇನಪ್ಪಾ ಅಂದುಕೊಳ್ಳುತ್ತಿದ್ದಂತೆಯೇ ಬಿ.ಎಸ್.ಎನ್.ಎಲ್ ಎಲ್ಲಾ ರೀತಿಯ 'ವರ'ಗಳನ್ನು ನನಗೆ ದಯಪಾಲಿಸಿಬಿಟ್ಟಿತು.

ಸುಶ್ರುತ ಅಂತೂ ನನ್ನ ಮೇಲೆ, ಶ್ರೀನಿಧಿ ಮೇಲೆ ಕೆಂಡಾಮಂಡಲವಾಗಿದ್ದ. ಜೂನ್ ಐದಕ್ಕೆ ಬರಬೇಕಾದ ಚಿತ್ರಚಾಪ ಆಗಸ್ಟ್ ಆದರೂ ಏನೂ ಆಗಿಲ್ಲ ಅಂದ್ರೆ ಹೇಗೆ! ಕೊನೆಗೂ ಪ್ರಣತಿಯ ಜನ್ಮದ ಯೋಜನೆಯನ್ನು ವಿಜಯಾ ಹಾಕಿಕೊಂಡ ಮೇಲೆ ಚಿತ್ರಚಾಪಕ್ಕೆ ಸೂಕ್ತ ನೆಲೆ ಸಿಕ್ಕಂತಾಯಿತು. ಅಲ್ಲಿಯವರೆಗೂ ನಾವು ಮುಂದಿಟ್ಟ ಒಂದು ಹೆಜ್ಜೆಯನ್ನು ಹಿಂದಕ್ಕೂ ತೆಗೆದುಕೊಂಡಿರಲಿಲ್ಲ, ಮುಂದಕ್ಕೂ ಇಟ್ಟಿರಲಿಲ್ಲ. ಈಗ ಆ ಹೆಜ್ಜೆಗುರುತಿನ ಜಾಡು ಹಿಡಿದು ಹೋದಾಗ ಮನಸ್ಸಿಗೆ ಹಿತವೆನಿಸುತ್ತೆ.

ಶ್ರೀನಿಧಿಯು "ನಮ್ಮ ಪುಸ್ತಕ ಓದ್ತಾರಾ?" ಅಂತ ಕೇಳಿದ್ದಾಗ ಅನ್ನಪೂರ್ಣ, "ಶ್ರೀನಿಧಿ, ಅರುಣ ಸುಶ್ರುತ ಎಲ್ಲಾ ಬರೆದಿದ್ದರೆ ಓದದೇ ಇರುತ್ತಾರಾ?" ಎಂದು ಕೇಳಿದ್ದರು. ಈಗ ಅದು ಗೊತ್ತಾಗುವುದರಲ್ಲಿದೆ.

ಮೊನ್ನೆ ಪುಸ್ತಕದ ಬರಹಗಳನ್ನು 'ಪ್ರೂಫ್ ಕರೆಕ್ಷನ್' ಮಾಡುತ್ತಿರುವಾಗ ನಕ್ಕಿದ ಬಗೆಯು ಬಹಳ ವರ್ಷಗಳಾಗಿದ್ದವು.

ಅದ್ಯಾವ ತಂತ್ರಾಂಶವೋ ಗೊತ್ತಿಲ್ಲ, ಕನ್ನಡಕ್ಕೂ ಅದಕ್ಕೂ ಅದ್ಯಾವ ಜನ್ಮದ ಹಗೆಯೋ ಏನೋ! ಕನ್ನಡದ ಮಧ್ಯೆ ಇಂಗ್ಲೀಷನ್ನು ಬಳಸಗೊಡಿಸುವುದೇ ಇಲ್ಲ.
"ನೀವು ಪ್ರಾಣಿಗಳಿಗೆ ಚಿಟಟಚಿಚಿಣಚಿಣಚಿಟ ಕೊಡ್ತೀರಾ ಅನ್ಸುತ್ತೆ, ನಿಮ್ಮ ಮನೆ ಒಂದ್ ಥರಾ ಚಿಟಟಚಿಚಿಣಚಿಣಚಿಟ ಇದ್ದ ಹಾಗೆ" ಅಂತ ಒಂದು ಕಡೆ ಇತ್ತು. ಇದೇನಪ್ಪಾ ಒಳ್ಳೇ ಸೆನ್ಸಾರ್ ಮಂಡಳಿಯವರು ಕೆಟ್ಟ ಶಬ್ದಗಳನ್ನು ತಡೆಗಟ್ಟಲು ಬಳಸುವಂತಿದೆಯಲ್ಲಾ ಅಂತ ಅನ್ನಿಸುವಂತಿತ್ತು. ಇನ್ನೊಂದು ಕಡೆ ಇದೇ ಥರ."ಅರುಣ, ನೀನು ತುಂಬಾ ಚಿಟಟಚಿಚಿಣಚಿಣಚಿಟ". ಇದನ್ನು ಪ್ರೂಫ್ ಮಾಡುತ್ತಿದ್ದ ಶ್ರೀನಿಧಿ, "ನೀವು ಏನು ಅನ್ನೋದನ್ನ ನೀವೇ ಹೇಳ್ಬಿಡಿಪ್ಪಾ" ಅಂದ. ಶ್ರೀನಿವಾಸನ ಬರಹದಲ್ಲಿ ಕಳೆದು ಹೋಗಿದ್ದ ನನ್ನನ್ನು ಇದ್ದಕ್ಕಿದ್ದಂತೆ ತಲೆಕೊಡವಿಕೊಳ್ಳುವಂತೆ ಮಾಡಿದ್ದು, "ಆ ಹೋಟೆಲ್‍ನ ಫಲಕ ಇಂತಿತ್ತು: ಚಿಟಟಚಿಚಿಣಚಿಣಚಿಟಚಿಟಟಚಿಚಿಣಚಿಣಚಿಟಚಿಟಟಚಿಚಿಣಚಿಣಚಿಟ ಚಿಟಟಚಿಚಿಣಚಿಣಚಿಟ" ಅಂತ ಓದಿದಾಗ. ಏನಿತ್ತಪ್ಪಾ ಹೊಟೆಲ್ ಮೇಲೆ!!

ಇದನ್ನೋದುತ್ತಿದ್ದಾಗ ಹೊಟ್ಟೆ ಹುಣ್ಣಾಗುವಂತೆ ನಗು ಬರುತ್ತಿತ್ತಾದರೂ ಓದುವುದನ್ನು ನಿಲ್ಲಿಸಲಿಲ್ಲ. ಕರೆಂಟಿರದೇ ಇದ್ದರೂ ಕ್ಯಾಂಡ್ಲ್ ದೀಪದಲ್ಲೇ ಓದುತ್ತಾ ಕುಳಿತಿದ್ದವರು ಶ್ರೀನಿಧಿ ಮತ್ತು ಸುಶ್ರುತ.

ಎಲ್ಲರೂ ಮೌನದಿಂದ ಓದುತ್ತಿರಲು ಶ್ರೀನಿಧಿ ತನ್ನ ದೊಡ್ಡ ದನಿಯಲ್ಲಿ ಇದ್ದಕ್ಕಿದ್ದ ಹಾಗೆ ಕೂಗ ತೊಡಗಿದ. " ಓಓಓಓಓಓಓ.... ಛೇಏಏಏಏಏ!!!!!!!!" ಅಂತ. ನನಗೆ ಏನೂ ಅರ್ಥ ಆಗಲಿಲ್ಲ. ಅದು ಒಂದು ಬರಹದಲ್ಲಿದ್ದ ಸಾಲುಗಳು ಎಂದು ನನಗೆ ಆಮೇಲೆ ಅರ್ಥ ಆದಾಗ ಅದೆಷ್ಟು ನಕ್ಕೆನೋ ನನಗೆ ಮಾತ್ರ ಗೊತ್ತು. ಮರುದಿನ ಬೆಳಿಗ್ಗೆ ಕೂಡ ಬಸ್ಸಲ್ಲಿ ಒಬ್ಬೊಬ್ಬನೇ ನಗುತ್ತಿದ್ದೆ.

ಅಂತೂ ಎಲ್ಲವೂ ಮುಗಿದು ಈಗ ಬಿಡುಗಡೆಯ ಹಂತದಲ್ಲಿ ಚಿತ್ರಚಾಪ ನಿಂತಿದೆ. ನಮಗೆ ಆಲ್ ದಿ ಬೆಸ್ಟ್!

-ಅ
07.02.2008
12.30AM

6 comments:

  1. All the best geLeyare.... :-)

    ReplyDelete
  2. ಅಬ್ಬಾ... ನಗು ತಡಿಲಕ್ಕಾಗ್ತಾ ಇಲ್ಲ.. ;) ;) ;) ಅಕ್ಕಪಕ್ಕದಲ್ಲಿರೊರೆಲ್ಲಾ ನನ್ನನ್ನೇ ನೋಡ್ತಿದಾರೆ.. ;)

    ಶುಭಾಶಯಗಳು.. ;o)

    ReplyDelete
  3. andha haage idu "ಚಿಟಟಚಿಚಿಣಚಿಣಚಿಟ "...enu...wat it is????

    ReplyDelete
  4. ತಮ್ಮ Proof Correctionayana ತುಂಬಾ ನಗು ತರಿಸಿತು ;-))) ಖಂಡಿತವಾಗಿಯೂ ನಾನಂತೂ ತಗೊಂಡು ಓದುವೆ. ನಿಮ್ಮೆಲ್ಲರಿಗೂ ಶುಭಾಶಯಗಳು ನನ್ನ ಪರವಾಗಿ.

    ReplyDelete
  5. http://www.baanuli.com/topheading.php?catid=4&id=1291

    ಪುಸ್ತಕ ಬಿಡುಗಡೆಯಾಗಿದ್ದಕ್ಕೆ ಅಭಿನಂದನೆಗಳು....

    ReplyDelete
  6. hahhaaaaaaaaaaaaa adanna odhoke hodre nana thale keduthe ankondidde successfully adanna nagkond nagkonde susthaagi ivaga odhi mugsdhe hammmaaaa.....

    ReplyDelete