Friday, July 25, 2008

ನನಗಾಗಲೇ ಇಪ್ಪತ್ತಾರು

ಪ್ಪತ್ತಾರು ವರ್ಷ ವಯಸ್ಸಾದರೂ ಸಾಧನೆಯು ಮಾತ್ರ ಸೊನ್ನೆ ಎಂದು ಅದೆಷ್ಟು ಸಲ ಅನ್ನಿಸಿದೆಯೋ ಏನೋ. ಆದರೂ ಇನ್ನೂ ಅವಕಾಶವಿದೆ, ವಯಸ್ಸಿದೆ ಎಂಬ ನಂಬಿಕೆಯು ಮತ್ತೆ ನಾಳೆಯನ್ನು ಎದುರು ನೋಡುವಂತೆ ಮಾಡುತ್ತಲಿರುತ್ತೆ.

ಸ್ವಾಮಿ ವಿವೇಕಾನಂದರು ಅಸುನೀಗಿದಾಗ ಅವರಿಗೆ ಮೂವತ್ತೊಂಭತ್ತಾಗಿತ್ತು. ಎಷ್ಟೋ ಜನ "ಅಯ್ಯೋ, ನನ್ನ ಮದುವೆ ಇನ್ನೂ ಆಗಿಲ್ಲವಲ್ಲಾ ನಲವತ್ತಾದರೂ" ಎಂದು ತಲೆ ಮೇಲೆ ಕೈ ಹೊತ್ತು ಕೂತಿರುವುದನ್ನು ನೋಡಿದ್ದೇವೆ. ಅವರ ಸಾಧನೆ ಮದುವೆಯಷ್ಟೆ. ಎಲ್ಲಾ ಧರ್ಮ, ಜಾತಿ, ಮತಗಳನ್ನು ಮೀರಿದ ಮನುಜ ಮತವನ್ನು ಬೋಧಿಸಿದ, ಅದರಂತೆ ಬದುಕಿ, ಸತ್ತರೂ ಚಿರಾಯುವಾದ ವಿವೇಕಾನಂದರಂತೆಯಂತೂ ಆಗಲು ಸಾಧ್ಯವಿಲ್ಲ. ಅವರು ಒಬ್ಬರೇ ಜಗತ್ತಿಗೆ!

ಕೇವಲ ಮೂವತ್ತು ಮೂರು ವರ್ಷ ಉಸಿರಾಡಿದ ಶ್ರೀನಿವಾಸ ರಾಮಾನುಜಂ ಮುಂದಿನ ಮೂರು ಸಾವಿರ ವರ್ಷಕ್ಕೂ ಮೀರಿದ ಸಾಧನೆ ಮಾಡಿರುವುದು ಯಾರಿಗೆ ತಾನೆ ಗೊತ್ತಿಲ್ಲ! ಗಣಿತ ಲೋಕವೇ ಬೆರಗಾಗುವಷ್ಟು ಕೆಲಸವನ್ನು ಮಾಡಲು ಇವರಿಗೆ ಮೂವತ್ತು ವರ್ಷ ಆಯುಷ್ಯ ಸಾಕಾಗಿತ್ತು. ಇನ್ನೊಂದು ಮೂವತ್ತಿದ್ದರೆ, ಗಣಿತ ಲೋಕವು ಬದಲಾಗಿಯೇ ಬಿಡುತ್ತಿತ್ತೆನಿಸುತ್ತೆ.

ಮತ್ತೊಂದು ಹೆಸರು ಹೆಚ್ಚಿನ ಜನಕ್ಕೆ ಪರಿಚಯವಿಲ್ಲ. ಸ್ವಾತಿ ತಿರುನಾಳ್ ಮಹಾರಾಜರು. ಇವರು ಹುಟ್ಟುವ ಮುಂಚೆಯೇ ತಿರುವನಂತಪುರದ ಅರಸನ ಪಟ್ಟ ಕಟ್ಟಿಬಿಟ್ಟಿದ್ದರು ಅವರ ತಂದೆ ತಾಯಿಗಳು. ಬಹುಶಃ ಕೇರಳದ ಅತ್ಯಂತ ಶ್ರೇಷ್ಠ ಅರಸು ಆಗಿ ರಾಜ್ಯಭಾರ ಮಾಡಿದವರು ಇವರು. ಸಿಂಹಾಸನವನ್ನೇರಿದಾಗ ಹದಿನಾಲ್ಕಾಗಿತ್ತಷ್ಟೆ.

ಯೌವನದಲ್ಲಿ ಇವರ ಮನಸ್ಸು ಸೆಳೆದದ್ದು ಖಗೋಳಶಾಸ್ತ್ರ. ಆಂಗ್ಲ ಭಾಷೆಯಲ್ಲಿ ಪರಿಣತಿ ಹೊಂದಿದ ಇವರು ಆ ಕಾಲದ (ಹತ್ತೊಂಭತ್ತನೆಯ ಶತಮಾನದ) ಶ್ರೇಷ್ಠ ಖಗೋಳತಜ್ಞರೊಡನೆ ಸ್ನೇಹ ಬೆಳೆಸಿಕೊಂಡು ಹವ್ಯಾಸೀ ಖಗೋಳತಜ್ಞಾರಿಬಿಟ್ಟರು. ಇಂಗ್ಲೀಷಲ್ಲದೆ ಸಂಸ್ಕೃತ, ಕನ್ನಡ, ತಮಿಳು, ಬೆಂಗಾಲಿ, ಹಿಂದಿ, ಮರಾಠಿ ಮತ್ತು ಮಾತೃಭಾಷೆ ಮಲೆಯಾಳಂ‍ನಲ್ಲಿ ಪಾಂಡಿತ್ಯವನ್ನು ಹೊಂದಿದ್ದರು.

ಸಂಗೀತಗಾರರಿಗಂತೂ ಸ್ವಾತಿ ತಿರುನಾಳ್ ಒಬ್ಬ ಆದರ್ಶ ವ್ಯಕ್ತಿ. ಹಿಂದೂಸ್ತಾನಿ ಮತ್ತು ಕರ್ನಾಟಕ ಶಾಸ್ತ್ರೀಯ ಸಂಗೀತದ ಎಲ್ಲ ಪ್ರಾಕಾರಗಳನ್ನೊಳಗೊಂಡಂತೆ ಮುನ್ನೂರೈವತ್ತಕ್ಕೂ ಹೆಚ್ಚು ರಚನೆಗಳನ್ನು ಮಾಡಿದ್ದಾರೆ. ಸಂಗೀತ ತ್ರಿಮೂರ್ತಿಗಳಾದ ಶ್ಯಾಮಾಶಾಸ್ತ್ರಿಗಳು, ತ್ಯಾಗರಾಜರು ಮತ್ತು ಮುತ್ತುಸ್ವಾಮಿ ದೀಕ್ಷಿತರು - ಇವರುಗಳು ಸ್ವಾತಿ ತಿರುನಾಳ್ ಸಮಕಾಲೀನರಾಗಿದ್ದೂ ಇವರ ರಚನೆಯನ್ನು ಕೊಂಡಾಡಿದ್ದಾರೆ!

ಸ್ವಾತಿ ತಿರುನಾಳ್‍ರ 'ಸರಸಿಜನಾಭ', 'ದೇವ ದೇವ', ಧನಶ್ರೀ ತಿಲ್ಲಾನ - ಇಂಥಾ ನೂರಾರು ಅದ್ಭುತಗಳನ್ನು ಸಂಗೀತ ಜಗತ್ತಿಗೆ ಕೊಟ್ಟ ಕೀರ್ತಿ ಸ್ವಾತಿ ತಿರುನಾಳ್‍ಗೆ ಸೇರುತ್ತೆ. ಇಷ್ಟು ಕೀರ್ತಿ ಸಂಪಾದನೆ ಮಾಡಲು ಸ್ವಾತಿ ತಿರುನಾಳ್‍ರವರಿಗೆ ಬೇಕಾಗಿದ್ದುದು ಕೇವಲ ಮೂವತ್ತುಮೂರು ವರ್ಷ!

ನನಗೆ ಇಪ್ಪತ್ತಾರಾಗಿದೆ ಆಗಲೇ!! ನಾನು ಸ್ವಾತಿ ತಿರುನಾಳ್ ಅಲ್ಲ. ಶ್ರೀನಿವಾಸ ರಾಮಾನುಜಂ ಅಲ್ಲ. ವಿವೇಕಾನಂದನೂ ಅಲ್ಲ. ಅದಕ್ಕೇ ಇಪ್ಪತ್ತಾರಾಗಿದೆ ಅಷ್ಟೆ.

-ಅ
14.07.2008
9.40PM

8 comments:

  1. e thara tumba achieve madiro janru estond jana bega ne teerkondirodu tumba udharanegalu ide... swalpa dinada munche ne naanu matte nann friends ide visyada bagge matadtidvi..

    ReplyDelete
  2. Happy Birthday.
    Nimma chintane hidisitu.
    nimage neevinnU enU mAdilla anta anisirOdE, neevu mundaadarU enaadarU maadabahudu annuva bharavase huttisuttide. neevu hage sadhisuvantaagali anta haraistene.

    nalme,
    Chetana Teerthahalli

    ReplyDelete
  3. [ಶರತ್] ಹೌದು, ತುಂಬಾ ಜನ ಇದ್ದಾರೆ. ಪ್ರತಿಭಾವಂತರು!

    [ಶ್ರೀ] ಅಯ್ಯೋ, ನನ್ನ ಹುಟ್ಟುಹಬ ಅಲ್ಲಪ್ಪಾ!! ಮಿಸ್‍ಲೀಡಿಂಗ್ ಆಗಿದೆ ಅಂತ ಆಯ್ತು ಈ ಪೋಸ್ಟು. :-)

    [ಚೇತನಾ ತೀರ್ಥಹಳ್ಳಿ] ಅವರ ಕಮೆಂಟು ನಿಮಗೆ ಮಿಸ್‍ಲೀಡಿಂಗ್ ಆಗಿದೆ ಅಂತಾಯ್ತು!! :-)

    ಚಿಂತನೆಯ ಬಗ್ಗೆ ಅಭಿಪ್ರಾಯ ಸೂಚಿಸಿದ್ದಾಕ್ಕಾಗಿ ಧನ್ಯವಾದಗಳು. ನೋಡೋಣ, ಏನು ಸಾಧಿಸಬಹುದೆಂದು!!

    ReplyDelete
  4. nija ... neen heLidorella dodda dodda kelsa maadi lakshaantara janada manassinamele impact maaddru. aadre Arun, naavu obba manushyana mele prabhaava beeri avrige olledaadre, namma jamna ashte saaku .. saarthaka. And trust me, you have touched a lot of hearts ... 26 varshadalli beryorgintha bekaadashtu maadideeya. .. nanna tamma antha heLkotilla, im sure many of your friends will vouch for that.
    Jotege, teacher aagiro kaaranadinda ninge olle opportunity noo ide ... talent jotege... you will make a difference to many lives, and that ... is probably the purpose of your life. Love you!

    ReplyDelete
  5. sadyOjaata shivashankara maarkandeyanige "endendu ninage hadinaarE varshavirali vayassu.." anta aashirvaada maadi chiranjeevi maadidrante...haage nimge " endendu ninage ippattaaru..." anta aashirvaada maaDli. oLLe kelsa neev saakashT maadiddeeri...mundhe maadtaanu irteeri...adu namage gottide...asht saaku !

    ReplyDelete
  6. vijaya akka enen heLidro adelladakku nandu diTTo diTTo...
    swalpa tiddupadi..
    you have made a difference to many lives, and that ... is probably the purpose of your life....

    ReplyDelete