Friday, December 12, 2008

ಬೂಸ್ಟ್ ಈಸ್ ದಿ ಸೀಕ್ರೆಟ್ ಆಫ್....

ಹೈಸ್ಕೂಲಿನಲ್ಲಿ ಓದುತ್ತಿದ್ದಾಗ ಸೈಕಲ್ಲಿನ ಮೇಲೆ ಹೋಗುತ್ತಿದ್ದೆ ಕತ್ತರಿಗುಪ್ಪೆಯೆಂಬ ಕೊಂಪೆಯನ್ನೂ ದಾಟಿ ಇಟ್ಟುಮಡುವೆಂಬ ಮಡುವಿನಲ್ಲಿದ್ದ ಆಪ್ತ ಗೆಳೆಯ ವರುಣನ ಮನೆಗೆ. ಕತ್ತರಿಗುಪ್ಪೆ ಸ್ವಲ್ಪ ಬೆಳೆಯುವ ಸೂಚನೆಯನ್ನು ಹೊಂದಿದ್ದ ಹಳ್ಳಿಯಂತಿತ್ತು. ಇಟ್ಟುಮಡು ಸ್ವಲ್ಪ ಹಿಂದುಳಿದ ಹಳ್ಳಿಯಂತಿತ್ತು. ರಸ್ತೆಗಳಿಗೆ ದಾಂಬರೆಂದರೆ ಗೊತ್ತಿರಲಿಲ್ಲ. ಈ ಕಡೆ ನಗರಕ್ಕೆ ನಗರವಲ್ಲ, ಹಳ್ಳಿಗೆ ಹಳ್ಳಿಯಲ್ಲ, ಹಾಗಿತ್ತು. ಆದರೂ ಅಬ್ಬಾಯಿನಾಯುಡು ಸ್ಟುಡಿಯೋ ಮಾತ್ರ ಬಹಳ ಕಾಲದಿಂದಲೇ ಅಲ್ಲಿತ್ತು.

ನಾನು ಕಾಫಿಪ್ರಿಯನೆಂಬುವುದು ಕಾಫಿಗೂ ಗೊತ್ತು! ಹಾರ್ಲಿಕ್ಸು, ಬೂಸ್ಟ್, ಬೋರ್ನ್ವೀಟಾ, ವೀವಾ ಇವೆಲ್ಲಾ ವಿಷಪ್ರಾಷನದಂತೆ ನನಗೆ. ವರುಣನೋ ಕಾಫಿ ಕಂಡರೆ ದೂರ ಓಡುವವನು. ಅವರ ಮನೆಗೆ ಹೋದಾಗ ತಪ್ಪದೆ ಬೂಸ್ಟ್ ಕೊಡುತ್ತಿದ್ದರು. ನಾನು ಸಂಕೋಚದಿಂದ ವಿಷಪ್ರಾಷನವನ್ನೇ ಮಾಡುತ್ತಿದ್ದೆ - ಮುಖ ಗಂಟಿಕ್ಕಿಕೊಂಡು! ಅವರ ಮನೆಯಲ್ಲಿ "ಕಾಫಿ ಕೊಡ್ಲಾ?" ಅಂತಲೂ ಕೇಳುತ್ತಿರಲಿಲ್ಲ. "ಬೂಸ್ಟ್ ಕುಡಿ" ಅಂತ ಹೇಳಿ ಕೊಟ್ಟುಬಿಡುತ್ತಿದ್ದರು.

ವರುಣ ಈಗ ಆಸ್ಟ್ರೇಲಿಯಾದಲ್ಲಿದ್ದಾನೆ. ಮೊನ್ನೆ, ಬಹುಮುಖ್ಯ ಕಾರಣವೊಂದಕ್ಕೆ ಅವರ ಇಟ್ಟುಮಡುವಿನ ಮನೆಗೆ ಹೋಗಿದ್ದೆ. ಇಟ್ಟುಮಡು ಶಿವಾಜಿನಗರಕ್ಕಿಂತ ಹೆಚ್ಚು ಬದಲಾಗಿಬಿಟ್ಟಿದೆ. ಅವರ ಮನೆಗೆ ಹೋಗಲು ಹರಸಾಹಸ ಪಡಬೇಕಾಯಿತು. ಊರೆಲ್ಲಾ ಸುತ್ತಬೇಕಾಯಿತು. ಅದೇನೇ ಬದಲಾಗಿದ್ದರೂ ಅವರ ಮನೆಯು ಮಾತ್ರ ಬದಲಾಗಿಲ್ಲ. ಬಾಲ್ಯಗೆಳೆಯನ ನಿರ್ಮಲ ಮನಸ್ಸಿನಂತೆ ಅವನ ಮನೆಯವರ ಅಕ್ಕರೆಯೂ ಹಾಗೇ ಉಳಿದಿದೆ. ನನ್ನನ್ನು ಅತ್ಯಂತ ಪ್ರೀತಿಯಿಂದ ಸ್ವಾಗತಿಸಿದರು. ಅವರನ್ನು ನೋಡಿ ಎಷ್ಟು ವರ್ಷಗಳಾಗಿದ್ದವೋ ನೆನಪಿಲ್ಲ. ಒಳ್ಳೇ ಹೋದ ಜನ್ಮ ನೆನಪಾದಂತಾಯಿತು ಅವರ ಮನೆಗೆ ಹೋಗಿದ್ದು. ಅದೇ ಮೌನ ವಾತಾವರಣ, ಟಿ.ವಿ. ಸೀರಿಯಲ್ಲುಗಳ ಪ್ರಸಾರ, ಅದೇ ಶೋ ಕೇಸು. ಸ್ವಲ್ಪ ಹೊತ್ತಾದ ಮೇಲೆ ಒಂದು ಸಣ್ಣ ಬದಲಾವಣೆ ಕಾಣಿಸಿತು. "ಕಾಫಿ ಕುಡೀತೀಯಾ?" ಎಂದು ಕೇಳಿದರು. ನಾನು ಮುಖವನ್ನರಳಿಸಿ ಹೌದೆನುವಷ್ಟರಲ್ಲಿ "ಬೂಸ್ಟ್ ಕೊಡ್ತೀನಿ ಇರು" ಎಂದುಬಿಟ್ಟರು. ನಾನು ಯಾಕೆ "ಬೇಡ, ಕಾಫೀನೇ ಕೊಡಿ" ಎನ್ನಲಿಲ್ಲವೋ ಗೊತ್ತೇ ಇಲ್ಲ. ನನ್ನ ಜೀವಮಾನದಲ್ಲೇ ನಾನು ಬೂಸ್ಟ್ ಕುಡಿದಿರುವುದು ಇವರ ಮನೆಯಲ್ಲಿ ಮಾತ್ರ. ಮತ್ತೆ ವರ್ಷಾನುಗಟ್ಟಲೆಯ ನಂತರ ಮೊನ್ನೆಯೂ ಕುಡಿದಾಗ ಬಾಲ್ಯದ ನೆನಪು ಮರುಕಳಿಸಿತು.

Missing ವರುಣ.

......................................................................................

ಸಂಗೀತದ ವಿದ್ಯಾರ್ಥಿಯಾಗಿರುವ ಗೆಳತಿ ಹಾಗೂ ನನ್ನ ಕಝಿನ್ ಭವ್ಯಾ ಹೊಸ ಬ್ಲಾಗನ್ನು ಆರಂಭಿಸಿ ಸಂಗೀತ ಸೇವೆಗೇ ಮುಡಿಪಾಗಿಟ್ಟಿರುವುದು ಬಹಳ ಸಂತಸಕರ ಸಂಗತಿ. ನನ್ನನ್ನೂ contributor ಪಟ್ಟಿಗೆ ಸೇರಿಸಿರುವುದರಿಂದ ನಾನೂ ಆಗಾಗ್ಗೆ ಏನಾದರೂ ಆಕೆಗೆ ಸಹಾಯವಾಗುವಂತಹ "ವಸ್ತು"ಗಳನ್ನು ಕೊಡಲು ಯತ್ನಿಸುತ್ತೇನೆ. ಸಂಗೀತದ ಬಗ್ಗೆ ಏನೇನು ಮಾಹಿತಿಗಳು, ಜ್ಞಾನವು, ಸೂಚನೆಗಳು, ವಿಮರ್ಶೆಗಳು ಹೊರಹೊಮ್ಮುತ್ತವೋ ಎದುರು ನೋಡುತ್ತಿದ್ದೇನೆ. ಸಂಗೀತ ಸುಧೆಯನ್ನು ಸವಿಯಲು ಉತ್ಸುಕನಾಗಿದ್ದೇನೆ.

ಆಲ್ ದಿ ಬೆಸ್ಟ್ ಭವ್ಯಾ..

http://sangeethasudhe.blogspot.com


-ಅ
12.12.2008
12PM

3 comments:

  1. :)nAnu saha Complan priye.Odhu hechadanthe kAapi kudiyo abyAsa mAdkonde.Adre Kaapi Eshtu ishta Agbittithu andre dinakke 7-8Sali kudithidde.Maneli nange kaapi kudiyalu prErepisida nanna Aptha geLathiyanna baykothidru paapa avLden thappu antha!Naanu KAapi kudide ondudina kaLeyod kashta aagithu..

    Adre eega kAapi kudiyod bittu 4thinglAgoithu:(mathhade Complan...

    so Complane is D secret of mine hehhe:)



    Innu nimma cousin blognalli Sangithada sudhe ariyali antha HAraisthini!

    ReplyDelete
  2. Aruna,ittamadu yesht badalagidhe antha nanagu sariyagi gotilla.. thumba dina aaythu manege hogi :).
    lo coffee jaasthi kudibeda kaNo, boost kudiyodanna abhyasa maadko..good for health (boost is the secret of my energy :)).
    Anyways.. its a nice blog..
    n i'm also missing u guys..

    ReplyDelete
  3. nimmibbranno school nalli ottottige refer maadtidru alwa ... Aruna, Varuna anthaa ... nangoo haage friend idlu school nalli ... nammanno jotege refer maadtidru ... nam hesru rhyming aagi ildidroonoove 'Arathi, Vijaya' antha.
    nimmibbara school days na naanoo nenskonde idanna oddaaga!! adralloo aa wwf cards aadtidvalla naavu ... amele neevibroo video games huchchu hidskondidralla ... ella nenpaaytu :-)

    Bhavyange nanna wishes ... blog nodtirteeni aagaaga!

    ReplyDelete