Sunday, May 24, 2009

ಜೈ ಬೆಂಗಳೂರು!




ನಾನೂ ಶ್ರೀಕಾಂತನೂ "ಯಾಕೋ ನಮ್ಮ ರಾಯಲ್ ಚಾಲೆಜರುಗಳು ರಾಯಲಿ ಚಾಲೆಂಜ್ಡ್ ಆಗಿಬಿಟ್ಟಿದ್ದಾರೆ" ಎಂದು ಕೊಡಗಿನ ಅಡವಿಯೊಳಗೆ ಮಾತನಾಡಿದ್ದು ಆಫ್ರಿಕಾವರೆಗೂ ಕೇಳಿಸಿಬಿಟ್ಟಿತೇನೋ.

ನಾನು 'ಇಂಥ' ಕ್ರಿಕೆಟ್ಟು ಮ್ಯಾಚುಗಳನ್ನು ನೋಡುವವನೇ ಅಲ್ಲ. ನೋಡಲು ಬಹುಮುಖ್ಯ ಕಾರಣ ರಾಹುಲ್ ದ್ರಾವಿಡ್ ಆಡುತ್ತಿದ್ದಾನೆಂಬುದು. ಎಷ್ಟೋ ಏಕದಿನ ಪಂದ್ಯಗಳನ್ನೇ ದ್ರಾವಿಡ್ ಔಟಾದ ಬಳಿಕ ಟಿ.ವಿ. ಆಫ್ ಮಾಡಿ ಬೇರೆ ಕೆಲಸ ಮಾಡಿದ್ದುಂಟು. ಈ ಸಲದ ಐಪಿಯೆಲ್ಲನ್ನೂ ಅಷ್ಟೆ. ಮಧ್ಯೆ ಅನೇಕ ಪಂದ್ಯಗಳನ್ನು ನೋಡಿಲ್ಲ ನಾನು. ದ್ರಾವಿಡ್ ಮರಳಿ ಬಂದಾಗಿನಿಂದ ನೋಡುತ್ತಿದ್ದೇನೆ. ಆದರೆ ಈ ಸಲ ದ್ರಾವಿಡ್ ಔಟಾದ ಬಳಿಕವೂ ನೋಡಿದ್ದು ನನ್ನ ಸಾಧನೆಯೇ ಸರಿ.



ಬೆಂಗಳೂರು ತಂಡ ಬರೀ ಸೋಲುತ್ತೆ ಎಂಬ ಬೇಸರವೂ ಇತ್ತು ಪಂದ್ಯಗಳು ಆರಂಭವಾದಾಗ. "ಯಾವಾಗಲೂ ಹೀಗೆಯೇ. ನಾವು support ಮಾಡುವ ಟೀಮು ಸೋಲುತ್ತಿರುತ್ತಲ್ಲ?" ಎಂಬ ಕೊರಗಿಗೆ ಸ್ವಲ್ಪ ಕಾಲ ಅಪವಾದವುಂಟಾಯಿತು. ಫೈನಲ್ಲಿನಲ್ಲಿಯೂ ಈ ಅಪವಾದವು ಮುಂದುವರೆದಿದ್ದರೆ ಚೆನ್ನಾಗಿರುತ್ತಿತ್ತು. ಅಂತೂ ಮ್ಯಾಚುಗಳು ಮುಗಿದಿದೆ. ನಾವು support ಮಾಡುತ್ತಿದ್ದ ಟೀಮು ಗೆದ್ದಿಲ್ಲ. ಆದರೆ ಚೆನ್ನಾಗಿಯೇ ಆಡಿದರು. Better luck next time.

ಹಾಗೆಯೇ ಗೆದ್ದವರಿಗೆ ಶುಭಾಶಯ.



ಮಲ್ಯಾಗೆ ನಷ್ಟವಾದ ಹಣದ ಚಿಂತೆ, ಕಟ್ರೀನಾಗೆ ತಮ್ಮ ಟೀಮು ಸೋತಿದ್ದರೂ ನೃತ್ಯವಾಡಬೇಕಾಯಿತಲ್ಲವೆಂಬ ಕರ್ಮದ ಚಿಂತೆ. ನನ್ನ ಚಿಂತೆಯೇ ಬೇರೆ. ಮುಂದಿನ ಸಲ ದ್ರಾವಿಡ್ ಇರುತ್ತಾನೋ ಇಲ್ಲವೋ! ಹಾಗಾಗಿ ನಾನು ನೋಡುತ್ತೇನೋ ಇಲ್ಲವೋ!

ಏನೇ ಆದರೂ ಟೆಸ್ಟ್ ಮ್ಯಾಚುಗಳನ್ನು ನೋಡುವ ಮಜ ಈ ಒನ್ ಡೇ ಆಗಲೀ ಐಪಿಯೆಲ್ಲಾಗಲೀ ಇರೋದಿಲ್ಲ! ಯಾಕೆಂದರೆ.....

-ಅ
24.05.2009
11.30PM

2 comments:

  1. cricket-e nodde iro naanu RCB aadid kone 3 match-galannoo nodde ... 2 match geddaga ... parvagilve ... naan noddre geltaare antha friends heldru ... aadre... uhun ...anyways- may the best team win!

    ReplyDelete
  2. aparoopakke antha cricket noDde...
    sothbitru bengLur navru..aa robin uttappa en thalelitkondu aaTa aadtidno..muTTaaLa.... x-(

    ReplyDelete