Wednesday, August 12, 2009

ವಿಂಡೋಸ್ ಸೆವೆನ್

ಒಂದು ವರ್ಷಕ್ಕೂ ಹಿಂದೆ ಪ್ರಿಸಾರಿಯೋ ನನ್ನ ಕೈಗೆ ಬಂದ ಹೊಸತರಲ್ಲಿ ಏನೇನು ಸರ್ಕಸ್ ಮಾಡಿದ್ದೆನೋ ಅದನ್ನು ಮೀರಿಸಿದ ಪಾಡನ್ನು ಈಗ ಮತ್ತೆ ಪಟ್ಟೆ.

ಭಗವದ್ಕೃಪೆಯಿಂದ ನನ್ನ ಪ್ರಿಸಾರಿಯೋ ವೈರಸ್ ಪೀಡಿತವಾಯಿತು. ದೇಶದಲ್ಲೆಲ್ಲೆಡೆ H1N1 ಇಲ್ಲವೆ? ಅದರ ಪ್ರಭಾವವೋ ಏನೋ. ಈ ವೈರಸ್ಗರಳಿಗೆ ಮರ್ಯಾದೆಯೇ ಇರುವುದಿಲ್ಲ. ಕಾಯಿಲೆಗಾದರೋ ಹೋಮಿಯೋಪತಿ, ಆಲೋಪತಿ, ನ್ಯಾಚುರೋಪತಿ, ವೆಂಕಟಾಚಲಪತಿ - ಮುಂತಾದ ಚಿಕಿತ್ಸಾಕ್ರಮಗಳೇನೋ ಇವೆ. ಆದರೆ ಇಲ್ಲೋ, ಇರುವ ಆಂಟಿವೈರಸ್ ಮೊರೆ ಹೋಗುವುದೊಂದೇ ಮಾರ್ಗ.

ಅಂತೂ ನನ್ನ ಪ್ರಿಸಾರಿಯೋ ವೈರಸ್ಗೆಾ ಗುರಿಯಾಗಿ, ನರಳಿ ನರಳಿ, ರಕ್ತಕಾರಿ ಅಸುನೀಗಿ, ಈಗ ಪುನರ್ಜನ್ಮ ತಾಳಿದೆ. ಕುಬೇರಾಂಶದಲ್ಲಿ ತೀರಿಕೊಂಡಿತೇನೋ, ಒಳ್ಳೆಯ ಭಾಗ್ಯದಲ್ಲೇ ಒಳ್ಳೆಯ ದಶೆ-ಭುಕ್ತಿಯಲ್ಲೇ ಹೊಸ ಜನ್ಮ ಸಿಕ್ಕಿದೆ. ನೋಡೋಣ, ಮುಂದೇನಾಗುತ್ತೋ ಎಂದು.

ಈ ಜನ್ಮ ಸಿಗಲು ಪಾಪ, ತುಂಬ ಕಷ್ಟ ಪಟ್ಟಿರುವುದಂತೂ ನಿಜ. ಯಾವಾಗ ಕಾಯಿಲೆ ಬಂತೋ ತೀವ್ರ ಅಸ್ವಸ್ಥವಾಗಿಬಿಟ್ಟಿತು ಪ್ರಿಸಾರಿಯೋ. ಹೇಳಿಕೊಳ್ಳಲು ಗೊತ್ತಾಗುತ್ತಿಲ್ಲ. LAN connection ಅಲ್ಲಿ 10MBPS ಅಲ್ಲಿ connect ಆಗುತ್ತೆ, 100MBPS ಅಲ್ಲಿ ಆಗುವುದಿಲ್ಲ, ಪ್ರತಿ ಸಲ restart ಆದಾಗಲೂ LAN settings ಬದಲಾಯಿಸಬೇಕು. ಸುಮ್ಮಸುಮ್ಮನೆ restart ಆಗೋದು. ನರಸಿಂಹ ಯುದ್ಧಂ ನೋಡಬೇಕೆಂದರೆ ನರಸಿಂಹನ ಅವತಾರವೇ ಎತ್ತಿದಂತಾಗುವುದು. "ಓಹೋ, ಕೊನೆಗಾಲ ಬಂದಿದೆ, ಇದಕ್ಕೆ ಗಂಗೋದಕ ಬಿಡುವುದೇ ಸರಿ" ಎಂದು ಅರ್ಥವಾಯಿತು.

ಆದರೆ ಅಷ್ಟು ಧೈರ್ಯವಿಲ್ಲ. ಇನ್ನೊಂದು ಡ್ರೈವ್ನyಲ್ಲಿ ಹೊಸ ಡಿಜಿಟಲ್ ಕ್ಯಾಮೆರಾದಲ್ಲಿ ತೆಗೆದ ಚಿತ್ರಗಳು ವಿಡಿಯೋಗಳೆಲ್ಲ ಇವೆ. ಅವನ್ನು backup ತೆಗೆದುಕೊಳ್ಳಲು ಹೊರಟೆ. ಕಾಯಿಲೆ ಅದಕ್ಕೂ ತಗುಲಿಬಿಟ್ಟಿತ್ತು. ಏನೇನೂ ಕಾಪಿ ಆಗಲಿಲ್ಲ. ಖಿನ್ನತೆಯ ಹಾದಿಯಲ್ಲಿ ಚಲಿಸಬೇಕಾಗಿ ಬರುವುದೇನೋ ಎಂದು ಭಯಪಟ್ಟೆ.

ಪ್ರಸಾದಿ ಕೃಪೆಯಿಂದ Windows XP Dark Edition ಸಿ.ಡಿ. ದೊರಕಿತು. "Dark Edition ಎಂದರೆ ಸಾಮಾನ್ಯವಲ್ಲ, Vista ಥರಾನೇ" ಎಂದು ಬೇರೆ ಹೇಳಿದ. ವಿಸ್ಟಾ ಬಗ್ಗೆ ಮೊದಲಿನಿಂದಲೂ ಗೊತ್ತಿಲ್ಲದ ಹಗೆ. ಇನ್ನು ಅದೇ ರೀತಿಯ ಎಕ್ಸ್.ಪಿ. ಹೇಗಿರುತ್ತೋ ಎಂಬ ಆತಂಕದಲ್ಲೇ ಆ ಸಿ.ಡಿ.ಯನ್ನು ಪ್ರಯತ್ನಿಸಿದರೆ, ಅದರಿಂದ boot ಆಗಲೇ ಇಲ್ಲ. ಇನ್ನೇನು ಮಾಡುವುದು? ಹಳೇ ಗಂಡನ ಪಾದವೇ ಗತಿ ಎನ್ನುವಂತೆ ಇದ್ದಿದ್ದ XP ನೇ install ಮಾಡುವುದು! ಸರಿ, ಆ ಕೆಲಸ ಅಷ್ಟು ಸುಲಭವೇ? ಬೇರೆ ಯಾವ ಕಂಪ್ಯೂಟರ್ ಆದರೂ ಸಲೀಸಾಗಿ ವಿಂಡೋಸ್ ಎಕ್ಸ್.ಪಿ.ಗೆ ಸ್ವಾಗತ ಮಾಡಬಹುದು, ಆದರೆ ಇದು ಪ್ರಿಸಾರಿಯೋ. ನನ್ನ ಪ್ರಿಸಾರಿಯೋ. ಹಿಂದೆ ವಿಂಡೋಸ್ ಬೇಡವೆಂದು ಹೇಳಿ, ತಿರಸ್ಕರಿಸಿ ಉಬುಂಟು ಹಾಕಿದ್ದರ ದ್ವೇಷೇನೋ! ವೃತ್ತಿ ಮಾತ್ಸರ್ಯ.

BIOS ಅಲ್ಲಿ ಬೇಡದ ಸೆಟ್ಟಿಂಗ್ ಎಲ್ಲ ಪರಿಶೀಲಿಸುವಂತೆ ಆದೇಶಿಸಿತು. Hard disk ನೇ ಅಪರಿಚಿತ ಎಂದುಬಿಟ್ಟಿತು!! ಇನ್ನೇನು ಮಾಡುವುದು, ಹ್ಯಾಪ್ ಮೋರೆ ಹಾಕಿಕೊಳ್ಳುವುದನ್ನು ಬಿಟ್ಟರೆ! ತಲೆ ಮೇಲೆ ಕೈ ಹೊತ್ತು ಕುಳಿತಿರುವಾಗ, ಏನೋ ಕೃಪೆ ತೋರಿದಂತೆ ಪ್ರಿಸಾರಿಯೋ ಯಾವುದೋ ಬೇರೆ ಸಿ.ಡಿ.ಯೊಂದಿಗೆ ಕೆಲಸ ಮಾಡಿತು. XP ಹಾಕಿದೆ. ಆದರೆ ಎಲ್ಲ data ನೂ ಕಳೆದುಕೊಂಡೆ! ನಮ್ಮ ಹನಿಮೂನಿನ ಫೋಟೋಗಳು, ಚಾರಣದ ಚಿತ್ರಗಳು, ಅಜ್ಜಿ ಹಾಡಿದ್ದ ವಿಡಿಯೋಗಳು - ಎಲ್ಲವೂ ಅವಸಾನವಾದುವು. ಮತ್ತೆ ಹ್ಯಾಪ್ ಮೋರೆ.

ಎಕ್ಸ್.ಪಿ.ಯನ್ನು ಶಪಿಸತೊಡಗಿದೆ. ಎತ್ತಿಗೆ H1N1 ಬಂದ್ರೆ ಎಮ್ಮೆಗೆ Penicillin ಕೊಡಿಸಿದಂತೆ! ಈ XPಗೆ ಪ್ರಿಸಾರಿಯೋದಲ್ಲಿ ಯಾವ ಸೂಕ್ಷ್ಮ ಡ್ರೈವರುಗಳೂ ಇಲ್ಲವೆಂದು ಕಳೆದ ವರ್ಷವೇ ಪ್ರಿಸಾರಿಯೋ ಸರ್ಕಸ್ಸಿನಲ್ಲಿ ಹೇಳಿದೆನಷ್ಟೆ? ಆದರೆ, ಯಾವುದೋ ಬ್ಲಾಗಿನಲ್ಲಿ ದೊರೆತ ಲಿಂಕುಗಳನ್ನು ಉಳಿಸಿಕೊಂಡಿದ್ದಾದ್ದರಿಂದ ಅದರ ಡ್ರೈವರುಗಳನ್ನೆಲ್ಲ ಮತ್ತೆ ಡೌನ್ಲೋಡ್ ಮಾಡಿದೆ. ನನ್ನ ಕರ್ಮಕ್ಕೆ sound ಡ್ರೈವರುಗಳನ್ನು ಅಲ್ಲಿಂದ ತೆಗೆದು ಹಾಕಿಬಿಟ್ಟಿದ್ದರು. ಮತ್ತೆ ಮೂಕ ಸಿಸ್ಟಮ್ಮು! ಒಂದು ವಾರ ಕಂಪ್ಯೂಟರಿಗೆ ಮಾತಿಲ್ಲ ಕತೆಯಿಲ್ಲ. ಬರೀ ದೃಶ್ಯ. ನರಸಿಂಹ ಯುದ್ಧಂ ಕೂಡ ನೋಡಿಲ್ಲ ಇನ್ನು!

ಪ್ರಸಾದಿಯ ದೆಸೆಯಿಂದ ಆಗಲೇ ನನಗೆ ವಿಂಡೋಸ್ ಸೆವೆನ್ ಬಗ್ಗೆ ಮಾಹಿತಿ ದೊರಕಿತ್ತು. ಆದರೆ ಅವನು ಡೌನ್ಲೋಡ್ ಮಾಡಿಕೊಡುತ್ತೇನೆಂದಿದ್ದ. ಕೆಲಸದ ಒತ್ತಡದಿಂದ ಅವನಿಗೆ ಪುರುಸೊತ್ತಾಗಲಿಲ್ಲ. ನನ್ನ ಪುಣ್ಯ, ನನಗೆ ಅಮರ, ಹರ್ಷರಂತಹ ಮಿತ್ರರು ಕಂಪ್ಯೂಟರಿನ ಬಗ್ಗೆ ಹಲವಾರು ಪಾಠಗಳನ್ನು ಹೇಳಿಕೊಡುತ್ತಾರೆ. ಕೊನೆಗೆ ಹರ್ಷನ ಮನೆಯಿಂದ ವಿಂಡೋಸ್ ಸೆವೆನ್ ಸಿಸ್ಟಮಿನ ISO file ತೆಗೆದುಕೊಂಡು ಬಂದು, ಅದನ್ನು ಹೇಗೆ DVD ಗೆ ಬರೆಯಬೇಕೆಂದು ತಿಳಿಯದೆ, ಒದ್ದಾಡಿ, ಮೂರು ತಾಸುಗಳಷ್ಟು ಕಷ್ಟ ಪಟ್ಟ ನಂತರ ಗೊತ್ತಾಯಿತು. ಈಗ ನನ್ನ ಪ್ರಿಸಾರಿಯೋಗೆ ಹೊಸ ಜನ್ಮ ಸಿಕ್ಕಿದೆ. ವಿಂಡೋಸ್ ಸೆವೆನ್ ಧರಿಸಿಕೊಂಡು ರಾರಾಜಿಸುತ್ತಿದೆ.

ವಿಂಡೋಸ್ 95 ಬಿಟ್ಟರೆ, ಬಹುಶಃ ಇದೇ ಅನ್ನಿಸುತ್ತೆ ಚೆನ್ನಾಗಿರುವುದು, fast ಆಗಿರುವುದು. ನೋಡೋಣ, ಈ ಜನ್ಮದಲ್ಲಿ ಏನೇನು ಆಗುತ್ತೋ ಪ್ರಿಸಾರಿಯೋಗೆ ಅಂತ.

-ಅ
12.08.2009
4PM

8 comments:

  1. dheergaayushmaanbhava!!! ninna presario mathe win 7 ge...
    alla, ee win 7 andre ... eradu sala win 3.5 aa?? ;)

    ReplyDelete
  2. ಬರ್ದಿರೋದು ಡಿಫ್ರೆಂಟಾಗಿದೆ. ಲಲಿತ ಪ್ರಬಂಧದ ಹಾಗೆ. ಚನಾಗಿದೆ.

    ReplyDelete
  3. ತಾಳಿದವನು ಬಾಳಿಯಾನು ಎನ್ನುವದಕ್ಕೆ ನಿಮ್ಮದೇ ಉಜ್ವಲ ಉದಾಹರಣೆ. ಪ್ರಿಸಾರಿಯೋಗೆ ಜಯವಾಗಲಿ!

    ReplyDelete
  4. gurugaLe, "nimmanthaa nimma" computer ge heegagbaaradittu ! hyaaaaaaaaaaaaage nodi !

    ReplyDelete
  5. eega hakiddu windows 7 RC2, idu trial version. innu swalpa dinakke full version bandaga adanna crack madakke ready aadre aaitu.

    ReplyDelete
  6. [ಹರ್ಷ] ಸ್ವಾಮಿ.. ಸೂರ್ಯ ನಾರಾಯಣ... ನಿನ್ನ ಪಾದವೇ ಗತಿ!

    [ಶ್ರೀಧರ] ಅಹುದಹುದುಂ.

    [ಲಕುಮಿ] ಹ್ಯಾ......ಗೆ ನೋಡು. ವಿಧಿಲೀಲೆ!

    [ಸುನಾಥ್] ವಿಂಡೋಸ್‍ಗೂ ಜಯವಾಗಲಿ.

    [ಸುಶ್ರುತ] ಹೌದಾ? ಲಲಿತಾ ಯಾರೋ ಗೊತ್ತಿಲ್ಲ. ಪ್ರಬಂಧ ಗೊತ್ತಷ್ಟೆ. (ಕೆಟ್ಟ ಜೋಕು)

    [ವಿಜಯಾ] ವಿಂಡೋಸ್ 3.5 ಬೇರೆ ಇತ್ತಾ? ನನಗೆ ಗೊತ್ತಿರುವ ಹಾಗೆ ಅದು 3.1.

    ReplyDelete
  7. ishtyleu ishta aaytu:)(mikkkiddu artha aagalla, technically challengedu, bardavr thappalla!:))

    ReplyDelete