Monday, September 7, 2009

ಮೈಸೂರಿನ ಗೆಳೆಯನ ಜನ್ಮದಿನ

ಎಂದೋ ಆರ್ಕುಟ್ಟಿನಲ್ಲಿ ಭೇಟಿಯಾದ ಗೆಳೆಯನೊಬ್ಬನ ಹುಟ್ಟುಹಬ್ಬ ಇಂದು.
ಶುಭಾಶಯವನ್ನು ತಿಳಿಸಿದೆ ಆರ್ಕುಟ್ಟಿನಲ್ಲೇ.

ಅಂದು ನಾನು ಅಲ್ಲಿಗೆ ಹೊಸಬ. ಅವನೂ ಹೊಸಬ.
ಪರಿಚಯವಾಯ್ತು - ಚಾರಣದ ನಿಮಿತ್ತ.
ಗೆಳೆತನವೂ ಬೆಳೆಯಿತು - ಕಾಫಿಯ ಅನುಗ್ರಹ!
ಮಧ್ಯರಾತ್ರಿಯೂ ಸಹ ಗಂಟೆಗಟ್ಟಲೆ ಹರಟೆ ಅಂತರ್ಜಾಲದಲ್ಲಿ.
ಮೈಸೂರಿಗೆ ಹೋದಾಗಲೆಲ್ಲ ಅವರ ಮನೆಗೊಂದು ಭೇಟಿ, ಜೊತೆಗೊಂದು ಕಾಫಿ.
ಶಾಸ್ತ್ರೀಯ ಸಂಗೀತ, ಸುಗಮ ಸಂಗೀತಕ್ಕೇ ನೇಣು ಹಾಕಿಕೊಂಡಿದ್ದ ನನಗೆ
ಇಂಗ್ಲೀಷಿನ ಮಾಧುರ್ಯವನ್ನೂ ಪರಿಚಯಿಸಿದನು!

ಮೂರು ವರ್ಷವಾಗಿತ್ತು!
ಆತ ಹಾರಿದ್ದ ಅಮೇರಿಕಕ್ಕೆ - ಓದಲು!
ಇನ್ನೂ ಹಿಂತಿರುಗಿಲ್ಲ ಮೈಸೂರಿಗೆ.
ಬಂದ ಬಳಿಕವೇ ಚಾರಣ - ಎಲ್ಲಿಗೆ?
"ನೀವೆಲ್ಲಿ ಕರೆದುಕೊಂಡು ಹೋಗುತ್ತೀರೋ ಅಲ್ಲಿಗೆ!" ಎಂದಿದ್ದ!

ಇಂದು ಶುಭಾಶಯವ ತಿಳಿಸಿದೆ ಆರ್ಕುಟ್ಟಿನಲ್ಲೇ.
ಎಂದು ಬರುವೆ ಪುನಃ ಮೈಸೂರಿಗೆಂದು ಪ್ರಶ್ನಿಸಿದೆ.
ಉತ್ತರವು ಅವನ ಹತ್ತಿರದ ಸ್ನೇಹಿತನಿಂದ ಬಂದಿತು.
ಮತ್ತೆಂದೂ ಮೈಸೂರಿಗೆ ಹಿಂದಿರುಗಲಾರನೆಂದು ಮನವು ನೊಂದಿತು!

ಆತನ ಸ್ಕ್ರಾಪ್ ಬುಕ್ ತುಂಬ ಶುಭಾಶಯಗಳು!
ನನ್ನದೂ ಒಂದು!
ಧನ್ಯವಾದವನ್ನು ಹೇಳುವವನು ಮಾತ್ರ ಇಲ್ಲ.

-ಅ
07.09.2009
12.15PM

3 comments:

  1. Sir, tell me clearly . what happened to u r friend? why he is not comming back ??

    ReplyDelete
  2. Saw ur profile after reading ur poem and realized he is no more. sad to know about him. :(
    -Jay

    ReplyDelete
  3. ಹೋದವರು ಮರಳಿ ಬರೋ ಹಾಗಿದ್ರೆ :( :( :(

    ReplyDelete