Monday, November 2, 2009

ನೋಟ

ಬಣ್ಣಗಳನೊಡಗೂಡಿ ಬೆಳಕು,
ಬೇಗೆಯನು ತರುವ ನೇಸರನ ತೆರದಿ
ಕಣ್ಣೊಳಗೆ ನೆಲೆಸಿರುವ ಮುನಿಸು,
ಕನಸುಗಳನು ನಗೆ ಮೊಗದೊಳಗೆ ತೋರಿ
ನಿಜವೆಂಬುದು ಮರೆತಿದೆ.

ಹೃದಯದೊಳಗಡಗಿರುವ ಗುಟ್ಟು -
ನಾಲಗೆಯ ಮೇಲೆ ಬರದಿರುವ ಹಾಗೆ
ಭಾವಪದರದಲ್ಲಿ ಮುಚ್ಚಿಟ್ಟು
ಮೌನವೊಂದನೆ ಬಗೆ ಬಗೆಯಾಗಿ ಹರಿಸಿ
ಕ್ಷಿತಿಜದೆದುರು ನಿಂತಿದೆ.

ಕಡಲುಗಳನೆಲ್ಲ ತಳ ಬಿರಿದು
ತುಂಬಿಸಿದ ಮಳೆಯ ಮೋಡಗಳ ಒಳಗೆ
ಶಕ್ತಿಯೊದಗಿ ನೆಲಕಿಳಿದು ಬರೆ
ತೆರೆದ ಕಣ್ಣಿನ ನೋಟ ಹಿರಿದು ಅಷ್ಟೆ!
ಕಣ್ಮುಚ್ಚಿದರೆ ಸಕಲವು!

-ಅ
02.11.2009
1PM

1 comment: