Thursday, November 19, 2009

ಹಗೆಯ ಹೊನಲು ಹರಿದಿದೆ

ಹಗೆಯ ಹೊನಲು ಹರಿದಿದೆ,
ಬಗೆಯ ಕೋಟೆ ಮುರಿದಿದೆ.
ಕಿಚ್ಚು ಹೊಗೆಯನಾಡಿಸುತ್ತ
ರೊಚ್ಚು ನಗೆಯ ಮೂಡಿಸುತ್ತ
ಎಚ್ಚರವನೆ ಮರೆಸಿದೆ.

ವಿಷದ ಮರದ ಬೇರಿದು
ಕುಶದಿ ಬೆರೆತು ಹೋಗಿದೆ.
ಕಡಿವ ಪರಿಯ ಕಾಣದಾಯ್ತು
ಮೊಳಕೆ ಚಿಗುರು ಬಲಿತ ಮೇಲೆ
ನೆಳಲದೆಲ್ಲಿ ಹುದುಗಿದೆ?

ಹಗೆಯ ಹೊನಲು ಹರಿದಿದೆ,
ಬಗೆಯಿದು ವೈತರಣಿಯು.
ನಿಜದ ನೋಟ ತೋರು, ಶಕ್ತಿ,
ಪಾಪವನ್ನು ಪುಣ್ಯ ಮಾಡಿ
ಕತ್ತಲೆಡೆಗೆ ಬೆಳಕ ತೋರಿ
ಬರಡಿನಲ್ಲಿ ಚಿಗುರ ಬೀರಿ
ನಗೆಯ ಹೊನಲು ಹರಿಸುತ,
ತೊಳೆಯುವಂತೆ ಕೊಳೆಯನೆಲ್ಲ
ಗಂಗೆಯನವತರಿಸುತ.

-ಅ
19.11.2009
9.15AM

1 comment:

  1. olleya prayathna. it is different. nimma kavithegalalli adagida aantarta ishtavaguttade.

    ReplyDelete