Monday, December 7, 2009

ಪಾ

ಅಂತೂ ಏನೇನೋ ಪ್ರಯೋಗಗಳು ನಡೆಯುತ್ತಿದೆ ಚಿತ್ರರಂಗದಲ್ಲಿ. ಹೋದ ವರ್ಷ ಡಿಸ್ಲೆಕ್ಸಿಯಾ ಆಯಿತು, ಈಗ ಪ್ರೊಜೇರಿಯಾ. ಅಮಿತಾಭ್ ಬಚ್ಚನ್‍ಗಿಂತ ಒಳ್ಳೆಯ ನಟ ಇಂಥ ಪಾತ್ರಕ್ಕೆ ಎಲ್ಲಿ ಸಿಕ್ಕಾರು? ಏನೇ ಆಗಲೀ, ಎಲ್ಲದಕ್ಕೂ ಸೈ ಎನ್ನುವ ಅಮಿತಾಭ್ ಕಂಡರೆ ಅದಕ್ಕೇ ಎಲ್ಲರಿಗೂ ಅಷ್ಟು ಇಷ್ಟವಾಗುವುದು. ಐದು ನಿಮಿಷದ ಪಾತ್ರವಿರಲಿ, ಸುಮ್ಮನೆ ಹಿನ್ನೆಲೆ ಕಾಮೆಂಟರಿ ಇರಲಿ ಅಚ್ಚುಕಟ್ಟಾಗಿ ಪ್ರಾಮಾಣಿಕವಾಗಿ ಯಶಸ್ವಿಯಾಗಿ ನಡೆಸಿಕೊಡಬಲ್ಲ ತಾಕತ್ತು ಅಮಿತಾಭ್‍ಗೆ ಇರುವುದನ್ನು ನಾವೆಲ್ಲ ಅದೆಷ್ಟು ಸಲ ಪ್ರತ್ಯಕ್ಷ ಕಂಡಿಲ್ಲ?

ಪಾ-ನಲ್ಲಿ ಪ್ರೊಜೇರಿಯಾ ಜೊತೆ ಇನ್ನೂ ಎರಡು ಮೂರು ಪ್ರಕರಣಗಳು ಬೆರೆತುಕೊಂಡು ಸ್ವಲ್ಪ ಕಲಸು ಮೇಲೋಗರವಾದರೂ, ತಕ್ಕಮಟ್ಟಿಗೆ ಸುಲಭವಾಗಿ ನಿಭಾಯಿಸಿದ್ದಾರೆ ನಿರ್ದೇಶಕರು. ಮಾಧ್ಯಮದವರನ್ನು ಟೀಕೆ ಮಾಡುವ ರೀತಿಯ ದೃಶ್ಯವು ಬಿಸಿರಕ್ತದವರನ್ನು ನಿಜಕ್ಕೂ ಪುಲಕಿತಗೊಳ್ಳಿಸುತ್ತದೆ. ನನಗಂತೂ ಇಷ್ಟವಾಯಿತು. ಹಾಗೆಯೇ ಅಮಿತಾಭ್ ಬಚ್ಚನ್ ಚಿತ್ರದಲ್ಲಿ ಅರುಂಧತಿ ನಾಗ್‍ರನ್ನು ನೋಡಿ ವಿಶೇಷವಾದ ಸಂತೋಷವೂ ಆಯಿತು (ಹಿಂದೆ ಸ್ವದೇಸ್ ಚಿತ್ರದಲ್ಲಿ ಕಿಶೋರೀ ಬಲ್ಲಾಳ್‍ರನ್ನು ನೋಡಿದಾಗ ಆದ ಸಂತೋಷದಂತೆಯೇ) - ಎಷ್ಟು natural ಆಗಿ ನಟಿಸುತ್ತಾರಲ್ಲಾ ಎಂದು ಹುಬ್ಬೇರಿಸುವಂತೆಯೂ ಆಯಿತು ಎಂದು ಹೇಳಬೇಕಿಲ್ಲ.



ಆರಂಭದ ಕೆಲವು ಕಾಲ ಡಾಕ್ಯುಮೆಂಟರಿಯಂತೆ ತೋರುವ ಪಾ ಶಾಲಾ ಮಕ್ಕಳ ಸಂಭಾಷಣೆಗಳಲ್ಲಿ ಕಮರ್ಷಿಯಲ್ ಚಲನ ಚಿತ್ರದ ಛಾಪನ್ನು ಎತ್ತಿಹಿಡಿಯುವುದರಲ್ಲಿ ಯಶಸ್ವಿಯಾಗಿದೆ. ಮಕ್ಕಳಂತೂ ಅದ್ಭುತ!! ಮಕ್ಕಳೆಲ್ಲ ಥಿಯೇಟರಿಗೆ ಬರುತ್ತಾರೆಂದೇ ಕೆಲವು ಡೈಲಾಗುಗಳನ್ನೂ ಮಕ್ಕಳಿಗಾಗಿಯೇ ಮಾಡಿದ್ದಾರೆಂಬುದು ಗೋಚರಿಸುತ್ತೆ. ಎಂ.ಪಿ.ಯಾದವನು ಸ್ಪೈಡರ್ ಮ್ಯಾನ್ ಬಗ್ಗೆ ಮಾತನಾಡುವುದು ಸ್ವಲ್ಪ ಭಿನ್ನವಾಗಿದೆ. ರಾಜಕೀಯ ಆದರ್ಶಗಳು ಕ್ಷೀಣಿಸುತ್ತಿರುವ ಈ ಕಾಲದಲ್ಲಿ ಚಲನಚಿತ್ರದಲ್ಲಾದರೂ ಆದರ್ಶವಾದಿಗಳಿದ್ದಾರಲ್ಲ ಎಂಬ ಸಮಾಧಾನವು, ಮತ್ತು "ಮತ್ತೊಮ್ಮೆ ಗಂಗೆಯು ಹರಿದು ಬರುವುದು.." ಎಂಬ ನಂಬಿಕೆಯನ್ನೂ ಮೂಡಿಸುವ ಪ್ರಯತ್ನವನ್ನು ಸಹ ಮಾಡಿದ್ದಾರೆ ಪಾ ಚಿತ್ರದಲ್ಲಿ.




ಜೊತೆಗೆ ಒಂದೇ ಹಾಡಿನಲ್ಲಿ ಫ್ಲಾಶ್‍ಬ್ಯಾಕ್‍ನ ಮುಕ್ಕಾಲು ಭಾಗಕ್ಕೂ ಹೆಚ್ಚು ಮುಗಿಸಿ ಗೋಳನ್ನು ಬದಿಗಿಟ್ಟು ವಾಸ್ತವವನ್ನು ಚೆನ್ನಾಗಿ ಪ್ರದರ್ಶಿಸಿದ್ದಾರೆ. ವಿದ್ಯಾ ಬಾಲನ್‍ರಂಥವರ ಚೆಲುವೆಯಿರುವಾಗ ಗೋಳಿಗೆ ಹೆಚ್ಚು ಸ್ಥಳವಿರುವುದಿಲ್ಲವಷ್ಟೆ? ಪಾಪ, ಗೋಳಾದರೂ ಚೆನ್ನಾಗಿ ನಡೆಸುತ್ತೆ ಅದು. ;-) ಪಾರೇಶ್ ರಾವಲ್‍ಗೆ ಮಾತ್ರ ಎಲ್ಲ ಚಿತ್ರಗಳಲ್ಲಿಯೂ ತಮಗೆ ಹೇಳಿ ಮಾಡಿಸಿದ ಪಾತ್ರ ಸಿಕ್ಕುವುದು ಅವರ ಭಾಗ್ಯವೋ ನೋಡುಗರ ಭಾಗ್ಯವೋ ಗೊತ್ತಿಲ್ಲ! ಇಳೆಯರಾಜರಂಥ ಜೀನಿಯಸ್‍ರ ಸಂಗೀತವೂ ಸಹ ಕ್ಲೀಷೆಯಾಗಬಲ್ಲುದು ಎಂಬುದು ಪಾ-‍ನಲ್ಲಿ ತಿಳಿದುಬರುತ್ತೆ. "ನಗುವ, ನಯನ..." ಈ ಸ್ವರಸಂಯೋಜನೆಯು ಇಳೆಯರಾಜರಿಗೆ ಅದೆಷ್ಟು ಇಷ್ಟವೆಂಬುದನ್ನು ಗಮನಿಸಬಹುದು.

ಇವೆಲ್ಲಾ ಏನೇ ಇರಲಿ, ಇಡೀ ಚಿತ್ರವನ್ನು ಆಳುವುದು ಅಮಿತಾಭ್‍ರ ವಿಭಿನ್ನ, ವಿಶೇಷ ವೇಷ ಭೂಷಣ - ಮತ್ತು ಅದನ್ನು ಅವರು ಬಳಸಿಕೊಂಡು ನಟಿಸಿರುವ ಸೊಗಸಾದ ರೀತಿ. ಕಾಯಿಲೆಯಿಂದ ನರಳುವ, ಕ್ಲೈಮ್ಯಾಕ್ಸಿನಲ್ಲಿ ಕೊನೆಯುಸಿರೆಳೆಯುವ ಅಮಿತಾಭ್‍ರನ್ನು ಪರದೆಯ ಮೇಲೆ ಎಷ್ಟೊಂದು ಸಲ ನೋಡಿದ್ದೇವೆ - ಆದರೆ ಹದಿಮೂರು ವರ್ಷದ ಅಮಿತಾಭ್‍ರನ್ನು ಇದೇ ಮೊದಲ ಬಾರಿಗೆ ನೋಡಿದ್ದು. ಚೆನ್ನಾಗಿತ್ತು ಅನುಭವ. ಕೊನೆಯಲ್ಲಿ ಸ್ವಲ್ಪ "ಎಳೆದಂತೆ" ಅನ್ನಿಸಿದರೂ ಸಹ, ಒಟ್ಟಾರೆ ಒಳ್ಳೆಯ ಚಿತ್ರವನ್ನು, ಸದಭಿರುಚಿಯ ಚಿತ್ರವನ್ನು ಕೊಟ್ಟಿದ್ದಾರೆ.

ನನ್ನ ಪಾಲಿಗೆ ಮೂರು ಗುಟ್ಟು, ಒಂದು ಸುಳ್ಳು, ಒಂದು ನಿಜ, ಮತ್ತೊಂದು ಇದು, ಮಗದೊಂದು ಅದು - ಈ ಚಿತ್ರ ನೋಡಿ ತಲೆಕೆಟ್ಟಿದ್ದಕ್ಕೆ ಪಾ ಚಿತ್ರವು ಒಳ್ಳೆಯ ಔಷಧಿಯಂತಿತ್ತು.

-ಅ
07.12.2009
11AM

7 comments:

  1. jai hangadre .... Node bidona ..
    (Recommended by Arun)

    ReplyDelete
  2. jai.. enadru aadre Arun parihaara kodbEkagatte !

    ReplyDelete
  3. [ಹರ್ಷ] ಮಜ್ಜಾ ಮಾಡಿ, ಆದ್ರೆ, ನನ್ನ ರೆಕೆಮೆಂಡೇಷನ್ ಏನೂ ಇಲ್ಲಪ್ಪ!!

    [ವಿರಾಹೆ] ಉಂ.ಉ.. ಲೊಟ್ಟೆ ಪುಸ್ಕಿ...

    ReplyDelete
  4. haagadre omme try maduva. :) amele chennagilla andre vikas helida reethi parihaara anthu sigutte :)

    ReplyDelete
  5. [ಬಾಲು] ವಿಕಾಸ್‍ಗೆ ನಾನು ಕೊಟ್ಟಿದ್ದನ್ನೇ ನಿಮಗೂ ಒಂದು ಕೆ.ಜಿ. ಕೊಡ್ತೀನಿ ಅಷ್ಟೆ! ;-)

    ReplyDelete
  6. [ಶ್ರೀನಿಧಿ] ನನ್ನ ಜೊತೆ "ಲೊಟ್ಟೆ ಪುಸ್ಕಿಯನ್ನು" ಹರ್ಷ, ವಿಕಾಸ್ ಮತ್ತು ಬಾಲು ಅವರಿಗೆ ಕೊಡಲು ನೀನಿದ್ದೀಯಲ್ಲ - ಸಧ್ಯ!

    ReplyDelete