Monday, January 18, 2010

ಅಶ್ವಥ್

ಯಾವ ಹಳೇ ಚಿತ್ರವನ್ನು ನೋಡಿದಾಗಲೂ ನಾನೂ ವಿಜಯಳೂ ಅಶ್ವಥ್ ಬಗ್ಗೆ ಒಂದು ಕಮೆಂಟ್ ಮಾಡೇ ಮಾಡುತ್ತೇವೆ. "ಇವರಷ್ಟು ನ್ಯಾಚುರಲ್ ಆಗಿ ನಟಿಸೋರು ಕನ್ನಡದಲ್ಲಿ ಇನ್ಯಾರೂ ಇಲ್ಲ!" ಎಂದು. ಅದೂ ಅಲ್ಲದೆ, ಅಶ್ವಥ್ ಅವರು ನಮ್ಮ ಹತ್ತಿರದ ಸಂಬಂಧಿಯೊಬ್ಬರನ್ನು ಹೋಲುತ್ತಾರಾದ್ದರಿಂದ ಅವರ ಡೈಲಾಗುಗಳು ತೀರ ನಮ್ಮ ಮನೆಯೊಳಗೇ ನಡೆಯುವ ಸಂಭಾಷಣೆಯಂತೆಯೇ ಇರುತ್ತೆ.

ಶಬ್ದವೇಧಿ ಚಿತ್ರದಲ್ಲಿ ಅಶ್ವಥ್‍ರನ್ನು ನೋಡಿ ಬಹಳ ಬೇಸರವಾಗಿತ್ತು - ತುಂಬ ಸೋತು ಹೋಗಿದ್ದರೆಂದೆನಿಸಿತು. ’ಹೊಸಬೆಳಕಿನ’ ಕಾಫಿ ಚೆಲ್ಲಿಕೊಳ್ಳುವ ಭಾವನ, ’ಸತ್ಯ ಹರಿಶ್ಚಂದ್ರ’ನ ಗುರುವಾದ ಶಾಂತಮೂರ‍್ತಿ ವಸಿಷ್ಠನ, ಆಸ್ಪತ್ರೆಯಲ್ಲಿ ಕಣ್ಣಿರು ಕನ್ನಡಕದ ಮೇಲೆ ಬಿದ್ದು ಕಣ್ಣೇ ಕಾಣದಂತಿದ್ದ ’ಕರ್ಣ’ನ ತಂದೆಯ, ’ನಾಗರ ಹಾವಿನ’ ಚಾಮಯ್ಯ ಮೇಷ್ಟರ, ’ಚಂದನದ ಗೊಂಬೆ’ಯ ಮೇಷ್ಟರ - ಶಬ್ದವೇಧಿಯೊಂದನ್ನುಳಿದು ಮಿಕ್ಕ ಎಲ್ಲ ಚಿತ್ರಗಳ ಎಲ್ಲ ಪಾತ್ರಗಳ ಸ್ವಾಭಾವಿಕತೆಯು ಶಬ್ದವೇಧಿಯಲ್ಲಿ ಕಾಣಲಿಲ್ಲವೆಂಬ ಬೇಸರವಿತ್ತು - ಚಿತ್ರ ನೋಡಿದ ಕೆಲ ಕ್ಷಣಗಳು. ಆದರೂ ಅದೇನು ಅಂಥ ನೊಂದುಕೊಳ್ಳುವಂಥದ್ದಲ್ಲ.



ಹಳೆಯ ಮೈಸೂರು-ಕನ್ನಡವನ್ನು ಮಾತನಾಡುವ ಕೆಲವೇ ಕೆಲವು ನಟರಲ್ಲಿ ಇವರೂ ಒಬ್ಬರಾಗಿದ್ದರೆಂಬುದು ಗಮನಾರ್ಹ. ಮಿಸ್ಸಿಂಗ್ ಅಶ್ವಥ್!

-ಅ
18.01.2010
12.12PM

2 comments:

  1. I miss him too.......heartfelt condolences. Let peace be...

    ReplyDelete
  2. Dr.Vasudha TheertharamTuesday, January 19, 2010

    Parisarapremi avare
    Obba meshtraagi innobba meshtra baggina nimma baraha gamanaarha.
    Vasudha

    ReplyDelete