Monday, February 22, 2010

ನೀ ಕೋಳಿ, ನೀ ಕೋಳಿ!

ಅಂಗಡಿಯವನಿಗೆ ಗಾಬರಿಯಾಗಿತ್ತು! ಇದೇನು ಇವರಿಬ್ಬರೂ ಹೀಗೆ ಜಗಳವಾಡುತ್ತಿದ್ದಾರಲ್ಲ! ಸಾಮಾನ್ಯವಾಗಿ ಪ್ರಾಣಿಗಳ ಹೆಸರನ್ನು ಹೇಳಿ ಬೈಯ್ಯುವುದಾದರೆ ಕೋತಿ, ಕತ್ತೆ, ಹಂದಿ, ನಾಯಿಗಳನ್ನು ಬಳಸುತ್ತೇವೆ. ಪಕ್ಷಿಪ್ರೇಮಿಗಳು ಗೂಬೆಯನ್ನು ಕರೆತರುತ್ತಾರಷ್ಟೇ ವಿನಾ ಬೇರೆ ಪಕ್ಷಿಗಳನ್ನು ಬೈಗುಳಗಳಿಗೆ ಬಳಸುವುದಿಲ್ಲ. ಆದರೆ ಅಂದು ನನ್ನ ಕಜ಼ಿನ್‍ಗಳು ಜಗಳವಾಡುತ್ತಿದ್ದುದು "ನೀ ಕೋಳಿ, ನೀ ಕೋಳಿ.." ಅಂತ! ಅಂಗಡಿಯಲ್ಲಿ ತಮಗೆ ಬೇಕಾದ ಒಂದು ಪದಾರ್ಥವು ಇದೆಯೋ ಇಲ್ಲವೋ ವಿಚಾರಿಸಬೇಕಿತ್ತು. ಮಧು (ಕಜ಼ಿನ್ ೧) ಸೌಮ್ಯಾಳನ್ನು (ಕಜ಼ಿನ್ ೨) ಕೇಳಿದ, "ನೀ ಕೋಳಿ.." ಅಂತ. ಅದಕ್ಕವಳು, "ಉಹ್ಞುಂ, ನೀ ಕೋಳಿ.." ಎಂದಳು. ಇದು ಹೀಗೇ ಬೆಳೆಯತೊಡಗಿತು, ಇಬ್ಬರ ಧ್ವನಿಯೂ ಏರತೊಡಗಿತು. ಅಂಗಡಿಯಾತನಿಗೆ ಕೇಳಿಸಿತು! "ನೀ ಕೋಳಿ, ನೀ ಕೋಳಿ...". ಅವನು ಟೆನ್ನಿಸ್ ಆಟವನ್ನು ವೀಕ್ಷಿಸುವವರಂತೆ ಒಮ್ಮೆ ಮಧುವಿನ ಮುಖವನ್ನೂ, ಇನ್ನೊಮ್ಮೆ ಸೌಮ್ಯಾಳ ಮುಖವನ್ನೂ ನೋಡುತ್ತ ಗಾಬರಿಗೊಂಡಿದ್ದ. ಆಮೇಲೆ, ಇವರೂ ಸಹ ಅವನ ಮುಖವನ್ನು ನೋಡಿದ ಮೇಲೆ ಎಚ್ಚೆತ್ತುಕೊಂಡರಲ್ಲದೆ, ಅವನ ಅಂಗಡಿಯಲ್ಲಿ ಏನೂ ಖರೀದಿಸಲೇ ಇಲ್ಲ. ಆ ಅಂಗಡಿಯವನಲ್ಲಿ ಮೂಡಿದ ಪ್ರಶ್ನೆಯು ಹಾಗೆಯೇ ಉಳಿದು ಹೋಯಿತು! ಪಾಪ!

ಮಧು ಮತ್ತು ಸೌಮ್ಯಾ ಇಬ್ಬರೂ ಮಾತನಾಡುತ್ತಿದ್ದುದು ಸಂಕೇತಿ ಭಾಷೆಯಲ್ಲಿ. ಉದ್ವೇಗದಲ್ಲಿ ಅವರಿಗೇ ಗೊತ್ತಿರದ ಹಾಗೆ ಧ್ವನಿಯೆತ್ತರಿಸಿಬಿಟ್ಟಿದೆ. ವಾಸ್ತವದಲ್ಲಿ ಅದು ಕೋಳಿಯಲ್ಲ. ಕsಳಿ ಎಂಬ ಪದದ ಅರ್ಥ ಕೇಳು ಎಂದು. ಅದು ಆಡುಭಾಷೆಯಲ್ಲಿ ಕೋಳಿಯಾಗಿಬಿಟ್ಟಿದೆ!

-ಅ
22.02.2010
1PM

9 comments:

  1. ಹಾ, ಹಾ, ಹಾ, ನೀ ಕೋಳಿ, ನೀ ಕೋಳಿ ಕಥೆ ಚೆನ್ನಾಗಿದೆ.

    ReplyDelete
  2. [ಎಲ್ಲರಿಗೂ] ನಂದೂ ಒಂದು ಹಹ್ಹಹ್ಹಾ.... :-D

    [ಹಸನ್ಮುಕಿ(ಖಿ)] ಅವರು ನಿಂತಿದ್ದು ಬೇಕರಿಯ ಮುಂದೆ!! ಐಯ್ಯಂಗಾರ್ ಬೇಕರಿಯೇ ಎಂದಿಟ್ಟುಕೊಳ್ಳಿ!

    ReplyDelete
  3. :) tiLi haasya. Barli bhatre barli!

    ReplyDelete
  4. ನೀ ಕೋಳು* ಅಲ್ವೇನ್ರಿ ಅದು? ಉಕಾರವೂ ಅಲ್ಲ, ಇಕಾರವೂ ಅಲ್ಲದ half-rounded vowel ಅಲ್ವಾ?

    ಅಂದ್ ಹಾಗೇ ನಾನೂ ಸಂಕೇತಿನೇ :) ಅದಕ್ಕೇ ಇಷ್ಟು ಖಾತ್ರಿಯಾಗಿ ಬರೀತಿದೀನಿ!

    ReplyDelete
  5. [ಹಂಸಾನಂದಿ] ಅಯ್ಯೋ ಹೌದಾ? ಏನೋಪ್ಪ.. ನಾನು ಕೇಳಿರೋದು, ಕSಳಿ ಅಂತ.. ಯಾರಿಗೆ ಗೊತ್ತು, ಹೇಗ್ ಹೇಗೆ evolve ಆಗಿದೆ ಭಾಷೆ ಅಂತ.

    ReplyDelete