Sunday, April 4, 2010

ನರಸಿಂಹ ಯುದ್ಧಂ 2.0 - ಆಮಂತ್ರಣ

ಕಳೆದ ಬಾರಿ ನಾನು "ಸಿಂಹ"ನಾಗಿದ್ದೆ. ಸ್ಟೇಜಿನ ಮೇಲೆ ಡೈಲಾಗೊಂದನ್ನು ಮರೆತಿದ್ದೆ ಕೂಡ. ಮೊದಲೇ ನನಗೆ ಈ ಸ್ಟೇಜ್ ಫಿಯರ್ ಕಾಯಿಲೆ, ಇನ್ನು ನಾಟಕವೆಂದರೆ ಕಾಯಿಲೆ ಬಹಳ ಸೀರಿಯಸ್ಸೇ. ಆದರೂ ಮೊಟ್ಟಮೊದಲ ನಾಟಕವಾದ್ದರಿಂದ ಬೇಸರವಾಗುವಂಥದ್ದೇನೂ ಮಾಡಲಿಲ್ಲ ನಾನು ಎಂಬ ನಂಬಿಕೆಯಿದೆ. ಆದರೆ ಆ ನಂಬಿಕೆಯನ್ನು ಈ ಸಲ ಹರ್ಷ್ ಜ್ಯೋಷಿಯವರು ದೃಢ ಪಡಿಸಲು ಸಜ್ಜಾಗಿದ್ದಾರೆ - ಸಿಂಹನ ಪಾತ್ರಕ್ಕೆ ವಿಶೇಷ ಕಳೆಯನ್ನು ಕೊಡಲು! ನನ್ನ ಅನಾರೋಗ್ಯದಿಂದ ಇಷ್ಟು ಒಳ್ಳೆಯ ಕೆಲಸವಾದೀತೆಂದು ನಾನು ಎಣಿಸಿರಲಿಲ್ಲ. ಸ್ಟೇಜಿನ ಮೇಲೆ ನಮ್ಮ ಮೈಂಡ್ ಡ್ರೈ ಗುಂಪಿನ ಎಲ್ಲರನ್ನೂ ನೋಡಲು ಉತ್ಸುಕದಿಂದಿದ್ದೇನೆ. ನನ್ನೊಡನೆ ನೀವು ಗೆಳೆಯರೆಲ್ಲರೂ ಬನ್ನಿರೆಂದು ಆಮಂತ್ರಿಸುತ್ತಿದ್ದೇನೆ. ಬನ್ನಿ.

ಕಳೆದ ಬಾರಿ ನಾವು ನಾವೇ ನಿರ್ದೇಶನ ಮಾಡಿಕೊಂಡಿದ್ದೆವು. ಪ್ರಥಮ ಪ್ರಯತ್ನವೆಂದು ಎಲ್ಲರಿಗೂ ಸಹಾನುಭೂತಿಯೂ ಇತ್ತು, ಪ್ರೋತ್ಸಾಹಿಸುವ ಸನ್ಮನಸ್ಸೂ ಇತ್ತು. ಎರಡೆನೆಯ ಪ್ರಯತ್ನವು ಅಷ್ಟು ಸಲೀಸಲ್ಲ ಎಂಬುದು ಸತ್ಯವಾದ್ದರಿಂದ ಕೆಲಸ ಮಾಡುವುದು ಅನಿವಾರ‍್ಯ. ಇದನ್ನು ಅರಿತು ಬರಹವನ್ನೂ, ಸಂಭಾಷಣೆಯನ್ನೂ ಅರ್ಜುನ ಮತ್ತು ಹರೀಶ ಪರಿಷ್ಕರಿಸಿರುವುದು ಶ್ಲಾಘನೀಯ ಬೆಳವಣಿಗೆ. ಜೊತೆಗೆ ಸುನೀಲ್ ಎಂಬ ಪ್ರೊಫೆಷನಲ್ಲು, ಆಸಕ್ತಿದಾಯಕರೂ, ಶಂಕರ್ ನಾಗ್ ಅಭಿಮಾನಿಯೂ ನಿರ್ದೇಶನದ ಜವಾಬ್ದಾರಿಯನ್ನು ಹೊತ್ತಿರುವುದು ಸಂತೋಷದ ವಿಷಯ. ಈ ಸಲದ ಪ್ರಯತ್ನವು ಕಳೆದ ಸಲಕ್ಕಿಂತ ಹೇಗೆ ಭಿನ್ನವಾಗಿರುವುದೆಂದು ಅರ್ಜುನನು ಬರೆದುಕೊಂಡಿದ್ದಾನೆ.

ಮತ್ತೊಮ್ಮೆ ಆಮಂತ್ರಿಸುತ್ತಿದ್ದೇನೆ - ಟಿಕೆಟ್ ಕೊಂಡುಕೊಂಡು ನೋಡುವವರಿಗೆ! ;-) ನಾಟಕಕ್ಕೆ ಬನ್ನಿ.

ನಮ್ಮ ಮನೆಯಿಂದ ಮೂರು ರಸ್ತೆ ಮೇಲೆ ಹೋದರೆ ಸಾಕು, ಅಲ್ಲೇ ಇರುವ ರಾಮಾಂಜನೇಯ ಗುಡ್ಡದ ಹಿಂದೆಯೇ ಇರುವ ಕೆ.ಎಚ್. ಕಲಾಸೌಧದಲ್ಲಿ ಭೇಟಿಯಾಗೋಣ. ಮುಂದಿನ ಶುಕ್ರವಾರ ಮತ್ತು ಭಾನುವಾರ. ಸಮಯ ವಿಚಿತ್ರವಾಗಿದೆ - ಆಮಂತ್ರಣ ಪತ್ರಿಕೆಯನ್ನು ನೋಡಿರಿ! ಅಂದ ಹಾಗೆ, ಈ ಕಲಾಸೌಧವೂ, ರಾಮಾಂಜನೇಯ ಗುಡ್ಡವೂ, ನಮ್ಮ ಮನೆಯೂ ಇರುವುದು ಹನುಮಂತನಗರದಲ್ಲಿ!



ಮಗದೊಮ್ಮೆ ಆಮಂತ್ರಿಸುತ್ತಿದ್ದೇನೆ - ಬನ್ನಿ!

-ಅ
04.04.2010
9PM

2 comments:

  1. illi naanu commentisidde. yaako delete aagOgide. irli innond sala commentisteeni.

    "ಆದರೂ ಮೊಟ್ಟಮೊದಲ ನಾಟಕವಾದ್ದರಿಂದ ಬೇಸರವಾಗುವಂಥದ್ದೇನೂ ಮಾಡಲಿಲ್ಲ ನಾನು ಎಂಬ ನಂಬಿಕೆಯಿದೆ."
    ishTondu modesty oLLed alla. sakkat aagiye maaDiddri neevu last timu. Erdu maatilla.

    Haan, mahajangaLe, neevella dayaviTTu naaTakakke barbEku. nimage gottirOrgoo tiLsi. ondu praamaaNika prayatna maaDideevi. Bandu prOtsaahisi.'yaako swalpa blade jaasti aytu' anta ankobEDi. :)

    ReplyDelete