Thursday, April 1, 2010

ಮೈತ್ರೀಮ್ ಭಜತ

ಜಗದ ಜನರ ಹೃದಯ ಗೆಲುವ ಸ್ನೇಹ ಮಂತ್ರ ನಿನ್ನದು
ನಿನ್ನೊಳನ್ಯರನ್ನು ಕಂಡರಾಗ ಸೊಗವೆ ತನ್ನದು!

ಗೆಲುವು ನಿನ್ನ ಏಳ್ಗೆ ಹೊರೆತು ಪರರ ಸೋಲು ಸಲ್ಲದು
ಎರಗಿ ಕಾದು ಹೋರಿ ಗೆಲುವ ಗೆಲುವು ಸೋಲೆ ಎಂದಿಗು!

ಬುವಿಯು ಕಲ್ಪವೃಕ್ಷದಂತೆಯೀವಳಲ್ಲ ಬಾಳಿಗೆ
ದಯದಿ ನಡೆಸುವಾತನಿರಲು ಭೀತಿಯೇನು ನಾಳೆಗೆ?

ಅಂತೆ ನಾವು ದಯವ ಧರಿಸಿ ನೀಡುತಿರಲು ಲೋಕಕೆ
ಒಳಿತೆ ಎಲ್ಲ ಕಡೆಯು - ಭೇದವುಂಟೆ ಲೋಕ-ನಾಕಕೆ?

ಕೆಳೆಯ ಮಂತ್ರ ಜಪಿಸಿ ನಿನ್ನೊಳನ್ಯರನ್ನು ಕಂಡರೆ
ಇಳೆಯ ಇರುಳು ಜೊನ್ನದಿಂದ ಕಳೆವುದೆಲ್ಲ ತೊಂದರೆ!

-ಅ
06.02.2010
1.20PM

No comments:

Post a Comment