Friday, September 24, 2010

ನಿನ್ನ ಕಣ್ಣುಗಳು

ನಿನ್ನೀ ಕಣ್ಣುಗಳನು ಹೊರೆತು
ನನಗಿನ್ನೇನಿದೆ ಜಗದಲ್ಲಿ?

ನೀ ಕಣ್ದೆರೆದರೆ ಅದೆ ಹಗಲು,
ನೀ ಕಣ್ಮುಚ್ಚಿದರದೆ ಇರುಳು.
ನನ್ನೀ ಉಳಿವಳಿವೆರಡೂ ಎಂದೂ
ಈ ಎರಡು ಚಣದಲಡಗಿಹುದು.

ಸಂತಸದಾ ತೊರೆ, ನಗು ಮುಖವು,
ಕನಸಿನ ಲೋಕವೆ ಕಟ್ಟಿಹೆನು -
ನಿನ್ನೀ ಕಣ್ಣುಗಳಾ ಹಾದಿಯಲಿ
ನನ್ನೀ ಉಳಿವಳಿವಡಗಿಹುದು.

ನಾಳೆಯ ಕನ್ನಡಿ, ತಿಳಿ ಬಿಂಬ,
ಕಂಗಳ ಹೊಳಪಲಿ ಬೆಳಗುತಿದೆ.
ಕಾಡಿಗೆಯಿಂದಲೆ ನಿಯತಿಯ ಬರೆದಿರೆ
ಬಾಳಿನ ತಾರೆಯು ಮಿನುಗುತಿದೆ.

ಮಜ್ರೂಹ್ ಸುಲ್ತಾನ್ಪುರಿಯವರಿಗೆ ವಂದನೆಗಳು.

-ಅ
24.09.2010
10PM

4 comments:

  1. teri aakhon ke sivaa is duniyaa me rakkhaa kyaa hai? ade song alva idu ?

    ReplyDelete
  2. ಅರುಣ್ ಸರ್,
    ಮಜ್ರೂಹ್ ಸುಲ್ತಾನ್ ಪುರಿಯವರ ಈ ಗೀತೆ ಅತೀ ಸುಂದರ, ನಿಮ್ಮಿಂದ ಅನುವಾದಗೊಂಡು ಇನ್ನಷ್ಟು ಮೆರಗು ಪಡೆದುಕೊಂಡಿದೆ.
    ಸೂಪರ್.........

    ReplyDelete
  3. :-) Rafi hatra haadsohaagidididididididre .... :-)

    ReplyDelete
  4. [ವಿಜಯಾ] ಹಾಡಲ್ಲ ಅಂತಿದ್ರೇನೋ.

    [ಮನದಾಳದಿಂದ..] ಮಜ್ರೂಹ್ ಸುಲ್ತಾನ್‍ಪುರಿಗೆ ರಫಿ ಮತ್ತು ಲತಾ ಇಬ್ಬರೂ ಗೌರವ ಸಲ್ಲಿಸಿಬಿಟ್ಟಿದ್ದಾರೆ.. :-) ಧನ್ಯವಾದಗಳು.

    [ಲಕುಮಿ] ಹೆ ಹ್ಹೆ, ಅದೇ. ಕೊನೆಯ ಸಾಲನ್ನು ಬಿಟ್ಟು.

    ReplyDelete