Saturday, April 23, 2011

ಇನ್ನೆಲ್ಲಿ ಏಳಿಗೆ?

ಹದ್ದಿಗೂ
ಒಂದಿಷ್ಟು ಕಾಗೆಗಳಿಗೂ
ಇಂದೇಕೋ ಜಗಳ.

ಕಸಿದಿರಬೇಕು ಕಾಗೆಯ ಊಟವನ್ನು ಹದ್ದು.
ಗೂಡಿನಿಂದ ಹಾರಿಸಿಕೊಂಡು ಬಂದಿರಲೂ ಸಾಕು, ಕದ್ದು.

ಆದರೂ,
ಒಂಟಿ ಹದ್ದಿನ ಮೇಲೆ
ಅಷ್ಟೊಂದು ಕಾಗೆಗಳ ದಾಳಿ?
ಗಗನದಿ ಲೀನವಾಗುವ ಹದ್ದು ಸಿಲುಕಿತು ಹೇಗೆ ಈ ದಾಳಿಗೆ?

ಕಿರುಚಿ, ಅರಚಿ
ತಿರುಚಿ, ಪರಚಿ
ಗದ್ದಲ ಮಾಡುವ ಕಾಗೆಗಳಿಗೆ
ಗಂಭೀರದೊಂಟಿ ಕಳ್ಳ ಹದ್ದು
ಎಲ್ಲಿಂದಲೋ ಗಂಟು ಬಿದ್ದು
ಕಾದಾಡುತ್ತಿವೆ ಕೂಳಿಗೆ.
ಇನ್ನೆಲ್ಲಿ ಕಾಗೆ ಹದ್ದುಗಳ ಏಳಿಗೆ?

-ಅ
21.04.2011
11PM

No comments:

Post a Comment