Tuesday, July 19, 2011

ಕೋಗಿಲೆಯ ಬಿನ್ನಹ

ಹಗಲಲಿ ಉರಿಯುವ ಬಿಸಿಲಿನ ಬೇಗೆಗೆ ಇರುಳಲಿ ತಂಪನ್ನೀವ ಮಳೆ
ಉರಿ-ತಂಪುಗಳಲಿ ಬೆರೆಯುವ ಪೃಥ್ವಿಯ ಒಡಲಲಿ ಬಗೆಬಗೆಯಾದ ಕಳೆ!

ರಾತ್ರಿಯೊಳಾಗಸ ಕಡುಕತ್ತಲೆಯಲಿ ಸೂರ್ಯನ ನಂಬುಗೆಯೊಳೆ ಹೊತ್ತು.
ಸೂರ್ಯನೆ ರಾರಾಜಿಸುತಿಹ ದಿನದಲಿ ಚಂದ್ರನ ವಿರಹದೊಳೇ ಮಿತ್ತು.

ಇರುಳಲಿ ಚಂದ್ರನ ಹಗಲಲಿ ಸೂರ್ಯನ ನುಂಗಲು ಮೋಡಗಳಾ ಹೊಂಚು.
ಋತು ಚಕ್ರದಿ ಪ್ರಕೃತಿ ತಾ ಮೆರೆದಿರೆ ನಡೆಯದು ಅವುಗಳ ಒಳಸಂಚು.

ಕಾಣದ ಕೋಗಿಲೆ ದನಿಯೊಳಿದೇನಿದು ಬಿನ್ನಹ ಕಾಣದ ದೇವನಲಿ?
ಮಳೆಯಿದು ನಿಲ್ಲದು, ಹಸುರನು ಕೊಲ್ಲದು - ಎಲ್ಲರ ಮೊರೆಯಿರೆ ಕಾವನಲಿ.

-ಅ
14.07.2011
5PM

2 comments: