Thursday, March 15, 2012

- ಗೆ

ಮಗುವಿನಂದದಿ ಮೊಗದಿ ಬೀರಿಹ
ನಗುವ ಕಾಣುತ ನಲಿದೆ ನಾನು.
ಹಗೆಯ ಬದುಕಲಿ ಬಗೆಯು ಕೂಡಿರೆ
ಸೊಗದ ಕನಸನು ತಂದೆ ನೀನು.

ಕವನ ಹುಟ್ಟಿತು ಕವಿಯ ಹೃದಯದಿ
ಸವಿಯ ಚೆಲ್ಲಲು ಜಗಕೆ ಜೇನು 
ದಿವಿಯೊಳಾ ಕ್ಷಣ ರವಿಯ ಉದಯವು
ಭುವಿಯೆ ಬಣ್ಣದ ಬನವು ತಾನು.

ಹೊಸತು ರೂಪವ ಹೊಸತು ನೋಟವ
ಹೊಸತು ಭಾವವು ಚೆಲ್ಲಿತಲ್ಲಿ.
ರಸದ ಕಾಶಿಯೆ ಹಸನುಗೊಳ್ಳುತ
ಜಸಕೆ ಬಾ ಎಂದೆಂದಿತಲ್ಲಿ!

ಅಂತರಿಕ್ಷದ ಮರೆಯಲೆಲ್ಲೋ
ಪ್ರೇಮರಕ್ಷೆಯ ತೊಟ್ಟು ನೀನು
ಹೊಳೆವ ಚಕ್ಷುಗಳನ್ನು ನನ್ನೆಡೆ
ಬೀರುತಲೆ ಮರೆಯಾದೆಯೇನು?

-ಅ
14. 03. 2012
10PM 

3 comments: