Friday, April 6, 2012

ಆ ದನಿಯು..

ಮರದೊಳಗಡೆ ತಾನವಿತಾ ಹಕ್ಕಿಯು 
ಯಾವುದೊ ರಾಗದಿ ತಾನೇ ಬೆರತು 
ತೇಲಿ ಬರುತಲಿತ್ತು.. 
ಆ ದನಿಯು 
ತೇಲಿ ಬರುತಲಿತ್ತು.. 

"ಬೇಗನೆ ಬಾ ನೀ ಬೇಗನೆ ಬಾರೋ,
ಬೇಗನೆ ಬರುತಲೆ ಮುಖವನೆ ತೋರೋ"
ಕೃಷ್ಣನ ಕರೆಯುತಲಿತ್ತು.
ಆ ದನಿಯು 
ಕೃಷ್ಣನ ಕರೆಯುತಲಿತ್ತು.. 

ಕೃಷ್ಣನು ಬಂದನೊ ಏನೋ ಅರಿಯೆ 
ಹಕ್ಕಿಯು ಮರದೊಳು ಮರೆಯು.
ತೃಷ್ಣವೆ ಆರದು ದನಿಗಿದು ಸರಿಯೆ? 
ಎಂದಿಗೂ ನಿಲ್ಲದು ಕರೆಯು. 
ಆ ದನಿಯು 
ನಿಲ್ಲದೆ ಹರಿಯುವ ತೊರೆಯು. 

ನೆನೆಯಿತು ರಾಮನ ಮರುಕ್ಷಣದಲ್ಲಿ 
ಮರೆಯಲೆ ಆ ಜಾಗದಲಿ. 
ಸೀತೆಯೆ ತಾನಾಗುತ್ತಲೆ ವರಿಸಿತು 
ರಾಮನ, ವೈಭೋಗದಲಿ. 
ಆ ದನಿಯು 
ವರಿಸಿತು ವೈಭೋಗದಲಿ!

-ಅ
06.04.2012
12PM

2 comments:

  1. different aagide, chennagide :). adyaako idanna odtidre 'mooduvanu ravi mooduvanu' nanpaaytu!

    ReplyDelete
  2. ha ha ha.. mooDuvanu ravi mooDuvanu... chik vayassalli Odiddu..

    ReplyDelete