Sunday, May 27, 2012

ಪ್ರಕೃತಿಗೀತೆ

ಮಳೆಯ ರಾಗಕೆ ಸಿಡಿಲ ತಾಳವು, 
ಆನೆಕಲ್ಲಿನ ಸರವಿರೆ. 
ಪ್ರಕೃತಿಗೀತೆಗೆ ಮಡಿಲ ಕಂದನು 
ತಲೆಯದೂಗುತ ನಲಿದಿರೆ, 
ಹಾಡು ನಿಲ್ಲದೆ ಸಾಗಿದೆ. 

"ಇಂಥ ಗೀತೆಯನೆಂದು ಅರಿಯೆನೊ" 
ಎಂಬ ಬೆರಗಿನ ಮುಖದಲಿ, 
ಇನ್ನು ಬೇಕೆಂದೆನುವ ಬಯಕೆಯು 
ಮತ್ತೆ ಮೂಡಿರೆ ಮನದಲಿ, 
ಪ್ರಕೃತಿ ಕರುಣಿಸೆ ಸುಖದಲಿ. 

ಪ್ರಕೃತಿಗೀತೆಯು ನಿಲ್ಲದಿರಲಿ. 
ವಿಕೃತಪಸರವ ಕೊಲ್ಲುತಿರಲಿ. 
ಮಧುರವೆಲ್ಲೆಡೆ ಹರಿದು, ಹರಿಯುತ 
ನಿದಿರೆಮೌನದಿ ಮಡಿಲ ಬೆರೆಯುತ 
ದಣಿದ ಕಂದನು ಮಲಗಲಿ. 

-ಅ
11.05.2012
6.50PM

1 comment: