Thursday, November 20, 2014

ಹನಿಗಳ ವಿದಾಯ

ಸಮಯವೆಲ್ಲಿ ಮಳೆಯ ಹನಿಗೆ
ಜೊತೆಯೊಳಿರುವ ಹನಿಯ ದನಿಗೆ
ದನಿಯ ಕೂಡಿಸುತ್ತ "ಹೋಗಿ -
ಬರುವೆ"ನೆಂದು ಹೇಳಲು?
ಆತುರವೇ ಬೀಳಲು?

ಗಗನದಿಂದ ನೆಲಕೆ ಬಿದ್ದು
ನೀಡಲೆನಿತೊ ಇನಿದು ಸದ್ದು?
ಪತನವೆಂಬ ಗುರಿಯ ಹೊತ್ತ
ಹನಿಗೆ ಯಾರು ಆಸರೆ?
ಯಾರ ಒಲುಮೆಯಾ ಕರೆ?

ಹನಿಗಳೆಲ್ಲ ಒಂದನೊಂದು, 
ವಿರಹದಿಂದ ತಾವು ನೊಂದು,
"ಮತ್ತೆ ಸಿಗುವುದಿಲ್ಲ"ವೆಂದು
ಅಪ್ಪಿಕೊಳಲು - ಗುಡುಗಿತು;
ಬುವಿಯೆಲ್ಲವು ನಡುಗಿತು!

-ಅ
20.11.2014
12.40 AM

No comments:

Post a Comment