Sunday, March 29, 2015

ಬರುವೆಯಾ ನನ್ನ ಜೊತೆಗೆ?

ಯಾವುದೊ ಕಾನನದೊಳಗೆ
ಪ್ರಕೃತಿಯ ಅಮೃತದ ಮೇಳ.
ಹಾಡುವ ಹಕ್ಕಿಯ ದನಿಗೆ
ಶ್ರುತಿಯ ಸೇರಿಸಲು, ಗೆಳತಿ,
                                 ಬರುವೆಯಾ ನನ್ನ ಜೊತೆಗೆ?

ಯಾವುದೊ ಬೆಟ್ಟದ ಮೇಲೆ
ನಕ್ಷತ್ರಗಳಾ ಮಾಲೆ
ಧರಿಸಿ ಹೊದೆಯಲು ಒಬ್ಬರ-
ನೊಬ್ಬರು ಸುಖದಲಿ, ಗೆಳತಿ,
                                 ಬರುವೆಯಾ ನನ್ನ ಜೊತೆಗೆ?

ಯಾವುದೊ ಕಡಲಿನ ದಡದಿ
ನಡೆಯುತ ಕೈ ಕೈ ಬೆಸೆದು
ಚಿನ್ನದ ಬಾನಿನ ರವಿಗೆ
ವಿದಾಯ ಹೇಳಲು, ಗೆಳತಿ,
                                 ಬರುವೆಯಾ ನನ್ನ ಜೊತೆಗೆ?

ಯಾವುದೊ ದಾರಿಯ ಹಿಡಿದು
ಕ್ಷಿತಿಜದ ದೆಸೆಯಲಿ ನಡೆದು
ಇರುವೆಯ ಜೊತೆಯಲೆ ನೀನು?
ಅನಂತ ಪಯಣದಿ, ಗೆಳತಿ,
                                ಬರುವೆಯಾ ನನ್ನ ಜೊತೆಗೆ?

- ಅ
29.03.2015
4 AM

No comments:

Post a Comment