Wednesday, November 18, 2015

ತೆರೆದಿಟ್ಟ ಪುಸ್ತಕ

ತೆರೆದಿಟ್ಟ ಪುಸ್ತಕವನೋದುವವರಾರು?
ಓದಿಯೂ ಅದರೊಳಗೆ
ಬರೆದಿಟ್ಟ ಸಾಲುಗಳನರಿಯುವವರಾರು?

ಅರಿತಿಹೆನು ನಾನೆಂಬ ಧೈರ್ಯವಿಹುದೇನು?
ಇದ್ದರೂ ಏನಂತೆ,
ಬೆರೆತಿರುವೆ ಪುಟದೊಳಗೆ ನೀ ಬಲ್ಲೆಯೇನು?

ವಿವರಿಸಲೆ ಬರಹವನು? ಬರಿ ಪದವಿದಲ್ಲ.
ಭಾವದಾ ಗೀತೆಯನು
ಕೇಳುವುದಕಿಲ್ಲಾರಿಗೂ ಸಮಯವಿಲ್ಲ!

ನೀ ಬರೆದ ಪುಸ್ತಕವೆ ನನ್ನದೀ ಬದುಕು.
ನೀನೇತಕಿದನರಿಯೆ?
ತೆರೆದಿಟ್ಟ ಪುಟಗಳಲಿ "ನಮ್ಮನ್ನು" ಹುಡುಕು.

- ಅ
17. 11. 2015
11.58 PM

No comments:

Post a Comment