Saturday, April 9, 2016

ಅತೃಪ್ತ ಪ್ರೇಮಿ

ತೃಪ್ತಿಯೆ ಇಲ್ಲವೆ ಪ್ರೇಮದಲಿ:
ನನಗೋ, ತೃಪ್ತಿಯೆ ಇಲ್ಲ.

ಸಾಗರದಲೆಗಳು ಸೆಳೆಯುತ ನನ್ನನು
ಕರೆದು ಒಯ್ಯಲದು ತನ್ನೊಡನೆ
ಬಯಸುವುದೊಂದೇ, ನಿನ್ನೀ ನಯನವು
ಬೆರೆಯಲಿ ನನ್ನಯ ಕಣ್ಣೊಡನೆ.

ತಾರಾಲೋಕವೆ ಬೇಕು, 
ಅಲ್ಲಿಯೆ ನೆಲೆಸಿರಬೇಕು;
ಶಿಖರಗಳುನ್ನತಿ ಬೇಕು,
ಅದನೇರುವ ಕಿಚ್ಚೂ ಬೇಕು;
ದಾರಿಯು ಸವೆಸಲಿ ಕಾಲನು;
ಜೊತೆಯಲಿ ನೀನಿರಬೇಕು!

ಸ್ವಾರ್ಥಿಯೆ ನಾನು ಪ್ರೇಮದಲಿ?
ನನಗೋ, ಸ್ವಾರ್ಥವೆ ಎಲ್ಲ!
ಲೋಕವೆ ಬೇಕೆನಗದರಲ್ಲಿ,
ನೀನೇ ನನಗೆಲ್ಲ!

(ಮಿಯಾ ಹಾಲೋ ಅವರ ಕವನದ ಭಾವಾನುವಾದ)

- ಅ
08.04.2016
11.45 PM

No comments:

Post a Comment