Wednesday, January 25, 2017

ಸುಹಾನಿ ರಾತ್ ಢಲ್ ಚುಕೀ

ಮಧುರದಿರುಳಿದು ಕಳೆದು ಹೋಗಿದೆ,
ಜಗದ ಋತುಗಳೆ ಬದಲಿಯಾಗಿದೆ, 
ನೀನು ಎಂದಿಗೆ ಬರುವೆಯೆಂಬುದ
ನಾನು ಅರಿಯದೆ ಹೋದೆನು!

ನೋಟವೆಲ್ಲವು ನಲಿವ ತೋರುತ,
ತಾರೆಗಳು ತಾ ಬೆಳಕ ಬೀರುತ
ನಿದಿರೆಲೋಕಕೆ ಜಾರಿವೆ.
ಎಲ್ಲ ದೀಪಗಳುರಿದು ನಂದಿವೆ
ನೀನು ಎಂದಿಗೆ ಬರುವೆಯೆಂಬುದ
ನಾನು ಅರಿಯದೆ ಹೋದೆನು!

ವಿರಹ ಮೋಹದಿ ನಿನ್ನ ಸನಿಹಕೆ
ನಾನು ಕಾಯುತಲಿರುವೆನು; 
ಚೈತ್ರವರ್ಣವು ಮೆರೆದಿರೆಲ್ಲೆಡೆ
ಬದಲಿಸಿರೆ ತಾ ಗಾಳಿ ದಿಕ್ಕನೆ
ನೀನು ಎಂದಿಗೆ ಬರುವೆಯೆಂಬುದ
ನಾನು ಅರಿಯದೆ ಹೋದೆನು!

-ಅ
24.01.2017
2AM