Wednesday, January 25, 2017

ಸುಹಾನಿ ರಾತ್ ಢಲ್ ಚುಕೀ

ಮಧುರದಿರುಳಿದು ಕಳೆದು ಹೋಗಿದೆ,
ಜಗದ ಋತುಗಳೆ ಬದಲಿಯಾಗಿದೆ, 
ನೀನು ಎಂದಿಗೆ ಬರುವೆಯೆಂಬುದ
ನಾನು ಅರಿಯದೆ ಹೋದೆನು!

ನೋಟವೆಲ್ಲವು ನಲಿವ ತೋರುತ,
ತಾರೆಗಳು ತಾ ಬೆಳಕ ಬೀರುತ
ನಿದಿರೆಲೋಕಕೆ ಜಾರಿವೆ.
ಎಲ್ಲ ದೀಪಗಳುರಿದು ನಂದಿವೆ
ನೀನು ಎಂದಿಗೆ ಬರುವೆಯೆಂಬುದ
ನಾನು ಅರಿಯದೆ ಹೋದೆನು!

ವಿರಹ ಮೋಹದಿ ನಿನ್ನ ಸನಿಹಕೆ
ನಾನು ಕಾಯುತಲಿರುವೆನು; 
ಚೈತ್ರವರ್ಣವು ಮೆರೆದಿರೆಲ್ಲೆಡೆ
ಬದಲಿಸಿರೆ ತಾ ಗಾಳಿ ದಿಕ್ಕನೆ
ನೀನು ಎಂದಿಗೆ ಬರುವೆಯೆಂಬುದ
ನಾನು ಅರಿಯದೆ ಹೋದೆನು!

-ಅ
24.01.2017
2AM

5 comments:

  1. ಕನ್ನಡ ಕವಿತೆ, ಹಿಂದಿ ಹೆಸರು!

    ReplyDelete
    Replies
    1. https://youtu.be/7LjF6yjrgYU

      ಅದು ಹಿಂದಿ ಹಾಡಿನ ಭಾವಾನುವಾದರೀ. ..

      Delete
    2. ಅದೇ ಧಾಟಿಗೆ ಹೊಂದಿಸಲು ಪ್ರಯತ್ನ ಮಾಡಿ
      ಮೊದಲ ಸಾಲುಗಳು ಇಲ್ಲಿವೆ

      ' ಮಧುರ ಇರುಳು ಜಾರಿದೆ
      ನಾ ಅರಿಯೆ, ನೀ ಬರುವೆ ಎಂದಿಗೆ ?

      Delete
  2. Sooper kavithe sir. Nimma lekhanadinda naanu nimma fan aagiddini

    ReplyDelete
  3. ಎಲ್ಲ ದೀಪಗಳು ನಂದಿವೆ ಬೇಡ
    ನಂದಿಹೋದಮೇಲೆ ಆಸೆಯೂ ಕಡಿಮೆ ಆಗಬಹುದು..
    ನಂದುತಿವೆ ಇರಲಿ..
    ಕಾಯುತ್ತ ಕೂಗುವ ಸಿಹಿನೋವಿರಲಿ.
    ಚೆನ್ನಾಗಿವೆ ಸಾಲು

    ಮತ್ತೆ ಇನ್ನೊಂದು.. ಕನ್ನಡದ್ದೇ ಶೀರ್ಷಿಕೆ ಚೆಂದ

    ReplyDelete